قىزىلوردا وبلىسىندا مال شارۋاشىلىعى سالاسىنداعى ينۆەستيسيالىق جوباعا بولىنگەن بيۋدجەت قاراجاتىن جىمقىرۋ جولى انىقتالدى — ونداعان ميلليون تەڭگە باقىلاۋداعى شوتتارعا اۋدارىلىپ، قولما-قول اقشاعا اينالدىرىلعان، دەپ حابارلايدى infohub.kz سايتى.
قارجىلىق مونيتورينگ اگەنتتىگىنىڭ رەسمي Telegram-ارناسىندا ءمالىم بولعانداي، اگەنتتىكتىڭ قىزىلوردا وبلىسى بويىنشا دەپارتامەنتى مال شارۋاشىلىعى سالاسىنداعى ينۆەستيسيالىق جوبانى جۇزەگە اسىرۋعا بولىنگەن قاراجاتتىڭ جىمقىرىلعانىن انىقتادى.
2021 جىلى «بايقوڭىر» اكك» اق قاتىسۋىمەن بىرلەسكەن كاسىپورىن — «سىزدىق اتا» ج ش س قۇرىلعان. جوبانىڭ جالپى قۇنى 311 ملن تەڭگەنى قۇرادى. ونىڭ ماقساتى — ەتتى مال شارۋاشىلىعىن دامىتۋ جانە جاڭاقورعان اۋدانىنىڭ تۇرعىندارىن قولجەتىمدى باعامەن ساپالى ەت ونىمىمەن قامتاماسىز ەتۋ.
جوبا اياسىندا كورپوراسيا ءجشس-نىڭ جارعىلىق كاپيتالىنا 151،5 ملن تەڭگە سالدى. قاراجات 1 600 باس قوي، 130 باس ءىرى قارا مال جانە ەت قاپتاۋعا ارنالعان جابدىق ساتىپ الۋعا ارنالعان بولاتىن.
«تەرگەۋ دەرەكتەرىنە سايكەس، مال ساتىپ الىنعان سوڭ ج ش س باسشىسى قاراجاتتىڭ ءبىر بولىگىن شىعارۋ سحەماسىن ۇيىمداستىرعان. بارلىعى 60 ملن تەڭگە كۇدىكتىگە باعىنىشتى «نۇراي» جك جانە «ابىلايحان» جك شوتتارىنا زاڭسىز اۋدارىلىپ، قولما-قول اقشاعا اينالدىرىلعان»، — دەدى ۆەدومستۆودا.
كۇدىكتى قاماۋعا الىندى. سوتتىڭ سانكسياسىمەن وعان تيەسىلى ەكى اۆتوكولىككە تۇتقىن سالىندى. قىلمىستىق ءىس سوتقا جىبەرىلدى.