Қызылордада Mitsubishi Lancer көлігінің жүргізушісі бес айлық ұлымен келе жатқан әйелді қағып кетіп, оқиға орнынан қашып кетті. Нәресте қаза тапты, оның анасы реанимацияда жатыр, деп хабарлайды infohub.kz сайты.
Бұған дейін аталған қорқынышты жол-көлік оқиғасының сәті бейнежазбаға түскені хабарланған. 13 қазанда жүргізуші кішкентай баласымен келе жатқан әйелді қағып кетіп, оқиға орнынан қашқан. Зардап шеккен әйел ауыр жарақатпен реанимацияға жатқызылды, ал нәресте ауруханада көз жұмды.
Қызылорда облысы полиция департаментінде адам өліміне әкеп соққан жол-көлік оқиғасы және оқиға орнынан қашу фактісі бойынша қылмыстық іс қозғалғанын түсіндірді. Жүргізушінің жеке басы анықталды, оны ұстау шаралары қолданылуда.
Бүгін, 21 қазанда Қызылорда облысының полициясында іздестіріліп жатқан адамға бағдарлама жарияланды. Ведомство дерегінше, сөз 2000 жылы 1 шілдеде туған Алексей Александрович Великов туралы болып отыр.
Ер адам Қазақстан Республикасы Қылмыстық кодексінің 345-бабының 3-бөлігінде көзделген қылмыс жасады деп күдікке ілінген.
Іздестіріліп жатқан адамның орналасқан жері туралы ақпараты барлардың барлығын Қызылорда полициясына хабарласуға шақырады. Құқық қорғау органдарымен мына телефондар арқылы байланысуға болады: 8 (7242) 27-77-01, 27-64-71, 29-75-07, 27-42-06, 29-75-69, 27-45-47.