جاپونيادا ءوتىپ جاتقان ازيا ويىندارىندا قازاقستاننىڭ ايەلدەر رەگبي-7 قۇراماسى سينگاپۋر كومانداسىن 31:0 ەسەبىمەن ويسىراتا جەڭىپ، توپتا ءۇشىنشى ورىنعا تۇراقتادى. ەرلەر قۇراماسى وڭتۇستىك كورەيادان 5:33 ەسەبىمەن ۇتىلىپ، ءوز توبىندا دا ءۇشىنشى بولدى، دەپ حابارلايدى infohub.kz سايتى.
ەرلەر كومانداسى پلەي-وففقا شىعۋ مۇمكىندىگىن ساقتاپ قالعان ەدى: الدىندا قازاقستاندىقتار جاپونداردان ۇتىلىپ، تايلاندتىقتاردى جەڭگەن بولاتىن. جالعاستىرۋ ءۇشىن ولارعا وڭتۇستىككورەيالىقتاردان ءىرى ەسەپپەن ۇتىلماۋ قاجەت بولدى. الايدا ول ورىندالمادى — 5:33، ءسويتىپ قازاقستان قۇراماسى توپتاردا ءۇشىنشى ورىن العان كوماندالار اراسىندا ءۇشىنشى بولىپ شىقتى. شەشۋشى ءرولدى سوعىلعان جانە جىبەرىپ العان ۇپايلار ايىرماسى اتقاردى. 9-12 ورىندار ءۇشىن تۋرنيردە قازاقستان بۇگىن وزبەكستانمەن وينايدى.
ەرلەر تۋرنيرىندە ا توبىندا گونكونگ 9 ۇپاي جينادى، جۇڭگو — 7، مالايزيا — 5، وزبەكستان — 3. ۆ توبىندا ءبىرىنشى ورىندى 9 ۇپايمەن جاپونيا يەلەندى، ەكىنشى — 7 ۇپايمەن وڭتۇستىك كورەيا، ءۇشىنشى — 5 ۇپايمەن قازاقستان، ءتورتىنشى — 3 ۇپايمەن تايلاند. س توبىندا 9 ۇپايمەن شري-لانكا كوش باستادى، ودان كەيىن 6 ۇپايمەن ءباا، 6 ۇپايمەن فيليپپين جانە 3 ۇپايمەن سينگاپۋر ورنالاستى.
ايەلدەر تۋرنيرىندە شيرەك فينال كەزەڭى قاراستىرىلماعان: توپتاردىڭ العاشقى ەكى كومانداسى جارتىلاي فينالعا شىعادى، قالعاندارى، سونىڭ ىشىندە قازاقستان، 5-8 ورىندار ءۇشىن تالاسادى. ءبىزدىڭ قىزدار بۇگىن سينگاپۋر قۇراماسىن 31:0 ەسەبىمەن جەڭىپ، توپتا ءۇشىنشى بولدى. ەرتەڭ قازاقستاندىقتار جۇبانىش ءتۋرنيرىنىڭ ماچتارىن وتكىزەدى.
ايەلدەر اراسىنداعى D توبىندا جاپونيا 9 ۇپاي جينادى، تايلاند — 7، قازاقستان — 5، سينگاپۋر — 3. ە توبىندا جۇڭگو مەن گونكونگ 6 ۇپايدان، ءۇندىستان مەن مالايزيا 2 ۇپايدان الدى.
ايەلدەر رەگبي-7 قۇرامالارى ازيا ويىندارىنا العاش رەت 2010 جىلى قاتىستى. گۋانچجوۋداعى سول تۋرنيردە فينالدا جۇڭگو قىزدارىن 17:14 ەسەبىمەن جەڭىپ، قازاقستاندىق قىزدار چەمپيون اتانعان بولاتىن. ءبىزدىڭ ايەلدەر رەگبي قۇراماسىنىڭ قورجىنىندا ينچحون-2014 جانە دجاكارتا-2018 ويىندارىنىڭ ەكى قولا مەدالى بار. قازاقستاننىڭ ەرلەر قۇراماسى ازيا ويىندارىندا جۇلدە العان ەمەس.
XX جازعى ازيا ويىندارى رەسمي تۇردە 19 قىركۇيەكتە اشىلدى جانە 4 قازاندا اياقتالادى. 45 ەلدىڭ سپورتشىلارى قاتىساتىن جارىستاردا 460 مەدال كومپلەكتىسى ساراپقا سالىنۋدا. ازيادا-2026-دا قازاقستان قۇراماسىنىڭ قۇرامىندا 35 سپورت تۇرىنەن 558 سپورتشى سىنعا تۇسۋدە.
ويىنداردىڭ ءبىرىنشى كۇنى قازاقستاندىقتار ءتورت التىن مەدال جەڭىپ الدى. ويىندار چەمپيوندارى اتانعاندار: ۆەلوشاباندوزدار ريناتا سۋلتانوۆا مەن الەكسەي لۋسەنكو، سونداي-اق كاراتەشىلەر جولامان بيگابىل مەن سوفيا بەرۋلسەۆا. قۇراما قورجىنىنا بەسىنشى التىندى مما سايىسكەرى ەركىنعالي بۇركىتالين قوستى. التىنشىسىن — ونىڭ ارالاس جەكپە-جەك كومانداسىنداعى جولداسى قادىربەك شىنبايەۆ. 23 قىركۇيەكتە لۋسەنكو اي-2026-نىڭ ەكى دۇركىن چەمپيونى اتاندى. سەگىزىنشى جوعارى سىناقتى مەدالدى 24 قىركۇيەكتە ەسكەكشىلەر ۆلاديسلاۆ ياكوۆليەۆ پەن يۆان چەرنۋحين ەرلەر اراسىنداعى جۇپتىق ەسۋ سايىسىندا جەڭىپ الدى. توعىزىنشى التىن مەدالدى 27 قىركۇيەكتە ءبىزدىڭ شپاگاشىلار كومانداسى يەلەندى.
ويىنداردىڭ 12 كۇنىنەن كەيىن قازاقستان بەيرەسمي مەدال ەسەبىندە توعىزىنشى ورىندا تۇردى.