رەسەي دەنساۋلىق ساقتاۋ مينيسترلىگى جىنىستىق قۇمارلىقتىڭ بۇزىلۋىن ەمدەۋ جونىندەگى كلينيكالىق ۇسىنىمداردى بەكىتتى. ناۋقاستاردى پسيحياتريالىق اۋرۋحانالارعا جاتقىزعانعا دەيىن ەمدەۋ جوسپارلانىپ وتىر، دەپ حابارلايدى infohub.kz سايتى.
بۇل تۋرالى رەسەيلىك Mash Telegram-ارناسى جازدى. باسىلىمنىڭ مالىمەتىنشە، ەمدەۋ جىنىستىق قيال مەن مىنەز-ق ۇلىق مازالاي باستاعاندا، كۇندەلىكتى ومىرگە كەدەرگى كەلتىرگەندە نەمەسە ادامنىڭ وزىنە جانە اينالاسىنداعىلارعا ءقاۋىپ توندىرگەندە تاعايىندالادى.
كلينيكالىق ۇسىنىمدارعا فەتيشيزم، فەتيشيستىك ترانسۆەستيزم، ەكسگيبيسيونيزم، ۆۋايەريزم، پەدوفيليا جانە سادومازوحيزم ەنگىزىلگەن. الايدا ەمدەۋ وسىنداي قۇمارلىعى بار بارلىق ادامعا ەمەس، قيال مەن مىنەز-ق ۇلىق مازالاي باستاعان، كۇندەلىكتى ومىردە قيىندىق تۋعىزعان نەمەسە اينالاسىنداعىلارعا ءقاۋىپ توندىرگەن جاعدايلاردا عانا قاراستىرىلعان.
تەراپيانى ناۋقاستىڭ جاعدايىنا قاراي كەزەڭ-كەزەڭىمەن تاڭداۋ جوسپارلانۋدا. ءبىرىنشى كەزەڭدە پسيحوتەراپيا قولدانىلۋى مۇمكىن، قاجەت بولسا انتيدەپرەسسانتتار، ال اۋىر جاعدايلاردا تەستوستەرون دەڭگەيىن تومەندەتەتىن پرەپاراتتار تاعايىندالادى. بۇل گورموننىڭ دەڭگەيىن تومەندەتۋ جىنىستىق قۇشتارلىقتىڭ جانە ونىمەن بايلانىستى قيالدىڭ قارقىنىن ازايتۋعا مۇمكىندىك بەرەدى.
جاڭا ۇسىنىمدار پايدا بولعانعا دەيىن دارىگەرلەر 1999 جىلعى قۇجاتتى باسشىلىققا الىپ كەلدى. ونداعى ەمدەۋ ادىستەرىنىڭ ىشىندە، اتاپ ايتقاندا، گيپنوز جانە ءوزىن-وزى سەندىرۋ اتالعان. الايدا بۇل قۇجات 2012 جىلدان بەرى ەسكىرگەن دەپ ەسەپتەلگەن.
بۇعان دەيىن «كۋرسيۆ» 1Fitء-تىڭ ارانداتۋشى جارناماسى قازاقستاندىق الەۋمەتتىك جەلىلەردە ۇلكەن رەزونانس تۋدىرعانىن جازعان ەدى. الايدا بىرەۋلەر روليكتى ادەپسىزدىك ءۇشىن سىنعا السا، ەندى بىرەۋلەر ونى تاپقىر ماركەتينگتىك قادام دەپ اتادى.