رەسەي مەن قازاقستان جايىق وزەنىن قۇتقارۋ بويىنشا بىرلەسكەن بەسجىلدىق باعدارلاما دايىنداپ جاتىر. بۇل تۋرالى infohub.kz سايتى حابارلادى.
ورىنبور وبلىسىنىڭ بيلىگى جايىقتىڭ ەكوجۇيەسىن قالپىنا كەلتىرۋ ءۇشىن قازاقستاندىق مامانداردى تارتۋدى كوزدەپ وتىر. بۇل كەلىسىمگە رەسەي تابيعي رەسۋرستار ۆيسە-مينيسترى دميتري تەتەنكين مەن قازاقستان ەكولوگيا ۆيسە-مينيسترى مانسۇر وشۋربايەۆ كەزدەسۋىندە قول جەتكىزىلدى.
2027–2032 جىلدارعا ارنالعان جايىق ەكوجۇيەسىن قورعاۋ بويىنشا بىرلەسكەن باعدارلامانى ىسكە قوسۋ جوسپارلانۋدا. نەگىزگى مىندەتتەر — سۋ ساپاسى تۋرالى دەرەكتەر الماسۋ، تازارتۋ قۇرىلىستارىن سالۋ جانە جاڭعىرتۋ. ەكى ەل اراسىنداعى كەلىسسوزدەر جالعاسادى.
بۇعان دەيىن گيدرولوگ ميحايل بولگوۆ ءسىبىر وزەندەرىن قازاقستانعا بۇرۋ — قىمبات تۇراتىن جوبا، ول ورتالىق ازيادا سۋ داعدارىسى تۋىنداعان جاعدايدا عانا قاراستىرىلاتىنىن اتاپ وتكەن ەدى.