https://kz.kursiv.media/
رەسەي قازاقستاندا ورىس مەكتەبىن اشادى: جەلى قولدانۋشىلارى جاپپاي قارسىلىق ءبىلدىردى
2023 جىلدىڭ قاراشا ايىندا رەسەي پرەزيدەنتى ۆلاديمير پۋتين توقايەۆتىڭ شاقىرۋىمەن استاناعا رەسمي ساپارمەن كەلدى. قازاقستاننىڭ وڭتۇستىك ءۇش وبلىسىنا، اتاپ ايتقاندا تۇركىستان، قىزىلوردا، جامبىل وبلىستارىندا ورىس ءتىلىن تەرەڭدەتىپ وقىتاتىن قازاق-ورىس مەكتەپتەرىن اشۋ تۋرالى ۇسىنىس وسى ساپاردان كەيىن ايتىلدى.
رەسەي پرەمەر-مينيسترىنىڭ ورىنباسارى الەكسەي وۆەرچۋك قازاقستانداعى مەكتەپ اشۋ تۋرالى ويىن ايتىپ:«ءقازىر ءبىز قازاقستاننىڭ وڭتۇستىگىندە ورىس تىلىندە وقىتاتىن ءۇش مەكتەپ سالۋ ماسەلەسىن تالقىلاۋدى باستادىق»، - دەگەن بولاتىن قازاقستان رەسپۋبليكاسى مەن رەسەي فەدەراسياسى اراسىنداعى شەكارالىق ىنتىماقتاستىقتىڭ 19-شى ءوڭىرارالىق فورۋمىندا.
ول سونداي-اق قازاقستان پرەزيدەنتى قاسىم-جومارت توقايەۆقا ورىس ءتىلى جونىندەگى حالىقارالىق ۇيىم قۇرعانى ءۇشىن العىس ايتقان بولاتىن.
ءبىلىم ءمينيسترى ع.بەيسەمبايەۆتىڭ ويىنشا وڭتۇستىك وڭىردەگى مەكتەپ تاپشىلىعى ماسەلەسىمەن وسىلاي كۇرەسپەك ەكەن.
«قازاقستاننىڭ وڭتۇستىگىندە ءۇش اۋىسىمدا وقيتىن مەكتەپتەر كوپ. بۇل ۇلكەن وبلىس، سوندىقتان، ارينە، ول جاقتا مەكتەپ سالۋعا قولداۋ كورسەتۋىمىز كەرەك. نەگىزىندە بىزدە (قازاقستاندا – رەد. ەسكەرتپەسى) ارالاس مەكتەپتەر نەمەسە ورىس تىلىندە وقىتاتىن مەكتەپتەر بار»، - دەدى مينيستر عاني بەيسەمبايەۆ.
مەكتەپتەر كىمنىڭ ەسەبىنەن سالىنادى؟ ءمينيستردىڭ ايتۋىنشا، قازاقستان ورىس مەكتەپتەرى رەسەي بيۋدجەتى ەسەبىنەن سالىنادى. قۇرىلىستىڭ قۇنى ازىرگە ەشكىمگە بەلگىسىز.
سوڭعى كۇندەرى الەۋمەتتىك جەلى قولدانۋشىلارى بۇل ماسەلەگە جاپپاي قارسىلىعىن ءبىلدىرىپ جاتىر.
infohub.kz
You Might Also Like
