رەسەي سىرتقى ىستەر ءمينيسترى سەرگەي لاۆروۆ ۆلاديمير ءپۋتيننىڭ كۋريل ارالدارىنا ساپارىنا قاتىستى جاپونيانىڭ مالىمدەمەلەرىن سىنعا الىپ، ماسكەۋگە ەلشىنىڭ شاقىرتىلعانىن حابارلادى، دەپ NUR.KZ ريا نوۆوستيگە سىلتەمە جاساپ حابارلايدى. بۇل تۋرالى infohub.kz سايتى ءمالىم ەتەدى.
ءسىم باسشىسى توكيونىڭ رەسەي پرەزيدەنتىنىڭ يتۋرۋپ ارالىنا ساپارىن سىناۋىن ايىپتادى. «ءبىزدىڭ جاپوندىق ارىپتەستەرىمىز، كورشىلەرىمىز، ارينە، پرەزيدەنتتىڭ رەسەي اۋماعىنىڭ كەز كەلگەن بولىگىنە بارا المايتىنى تۋرالى مۇلدەم قابىلدانبايتىن مالىمدەمەلەرىمەن ادەپتىلىك شەگىنەن اسىپ ءتۇستى»، — دەدى لاۆروۆ ءباسپاسوز ءماسليحاتىندا.
ول جاپونيا باسشىلىعىن «ماسكەۋگە شابۋىلداۋدىڭ ورنىنا ىشكى ىستەرىمەن اينالىسۋعا» شاقىردى. ونىڭ ايتۋىنشا، توكيو «حالىقارالىق قۇقىقتى وزىنە جانە اقش-قا بەيىمدەپ وزگەرتۋگە تىرىسىپ، تاريحي جاۋاپكەرشىلىكتەن قاشىپ، ءوز كونستيتۋسياسىن بۇزۋدا».
«ءۇش بەيبىت پرينسيپ، كونستيتۋسياعا قايشى كەلەتىن شەتەلدەگى اسكەري وپەراسيالارعا قاتىسۋعا تىرىسىپ جاتقان ارميا — بۇل ۇلكەن الاڭداۋشىلىق تۋدىرادى»، — دەپ قوستى لاۆروۆ.
ول سونداي-اق رەسەي ءسىم ماسكەۋدەگى جاپونيا ەلشىسى اكيرا مۋتونى شاقىرتقانىن ايتتى. مينيستر ديپلوماتتىڭ سمولەن الاڭىنا كەلىپ، «وعان جۇمىستى قالاي جۇرگىزۋ كەرەكتىگىن ءتۇسىندىرۋى ءتيىس» ەكەنىن اتاپ ءوتتى.