ۋكراينا استاناسى كيەۆكە رەسەيلىك كۇشتەردىڭ تۇنگى شابۋىلىنان كەمىندە ءۇش اۋداندا ءورت شىقتى، دەپ حابارلايدى infohub.kz سايتى.
قالا اكىمى ۆيتالي كليچكونىڭ ايتۋىنشا، بالليستيكالىق زىمىراندارمەن سوققى جاسالعان. اۋە دابىلى شامامەن 50 مينۋتتان سوڭ الىنىپ، اسكەري اۋە كۇشتەرى زىمىران ءقاۋپى تۋرالى ەسكەرتۋدى الىپ تاستادى.
كليچكو ورتالىق اۋدانداعى كوپقاباتتى ءۇيدىڭ جەتىنشى جانە سەگىزىنشى قاباتتارىندا ءورت شىققانىن ايتتى. بەيرەسمي ارنالار قالانىڭ ءار تۇكپىرىندە ءورت بولعانىن حابارلادى.
قازا تاپقاندار مەن زارداپ شەككەندەر تۋرالى دەرەكتەر ازىرگە جوق. Reuters اگەنتتىگىنىڭ كۋاگەرلەرى قايتالانعان جارىلىستاردى ەستىگەندەرىن حابارلادى.
ۋكراينا پرەزيدەنتى ۆلاديمير زەلەنسكي جۇما كۇنى رەسەيدىڭ الداعى 48 ساعات ىشىندە جاڭا شابۋىلدار جاساۋى مۇمكىن ەكەنىن ەسكەرتتى.