رەسەيدىڭ جوعارعى سوتى ۋكرايناداعى اسكەري وپەراسياعا قارسى شىققان جالعىز پارتيانى كەلەسى ايداعى پارلامەنتتىك سايلاۋعا قاتىسۋ قۇقىعىنان ايىردى. بۇل تۋرالى infohub.kz حابارلايدى.
سوت «يابلوكو» پارتياسىنىڭ تىركەلۋىن جويدى. پارتيا اتاۋى ورىس تىلىنەن اۋدارعاندا «الما» دەگەندى بىلدىرەدى. بۇل شەشىم پرەزيدەنتتىك پارتيانىڭ شاعىمىنان كەيىن قابىلداندى. وتكەن ايدا ورتالىق سايلاۋ كوميسسياسى «يابلوكوعا» تاعى 10 پارتيامەن بىرگە سايلاۋعا قاتىسۋعا رۇقسات بەرگەن ەدى.
ءبىر كەزدەرى پارلامەنتتەگى جەتەكشى ليبەرالدى داۋىس بولعان جانە ۇكىمەتتى ءجيى سىنايتىن «يابلوكو» كەيىننەن كرەمل رەسەي ساياساتىن قاتاڭ باقىلاۋعا العان كەزدە ءوز ورىندارىنان ايىرىلدى. سوڭعى جىلدارى «يابلوكو» ۋكرايناعا اسكەر جىبەرۋگە قارسى شىققان جالعىز تىركەلگەن وپپوزيسيالىق پارتيا بولدى.
ونىڭ سايلاۋالدى ۇراندارى: «بىتىمگەرشىلىك كەلىسىم، ديپلوماتيا جانە بەيبىتشىلىك ءۇشىن!»، «ءبىزدىڭ ماقساتىمىز — يادرولىق سوعىستىڭ الدىن الۋ!»، «قورقىنىش پەن ساياسي قۋعىن-سۇرگىننەن ەركىن رەسەي ءۇشىن!» دەگەندەر ەدى.
شەتەلدە جۇرگەن كوپتەگەن رەسەيلىك وپپوزيسيا وكىلدەرى، سونىڭ ىشىندە كرەمل سىنشىسى الەكسەي ناۆالنىيدىڭ جەسىرى يۋليا ناۆالنايا جانە ساياساتكەرلەر يليا ياشين مەن ۆلاديمير كارا-مۋرزا سايلاۋشىلاردى «يابلوكوعا» داۋىس بەرۋگە شاقىرعان بولاتىن.