رەسەيدىڭ فەدەرالدىق مونوپولياعا قارسى قىزمەتى (فاس) Apple كورپوراسياسىنا قاتىستى ءىس قوزعادى. سەبەپ — كومپانيانىڭ قۇرىلعىلارىنا MAX مەسسەندجەرى مەن RuStore قوسىمشالار دۇكەنىن ورناتۋ مۇمكىن ەمەستىگى، دەپ حابارلايدى infohub.kz سايتى.
«يزۆەستيا» گازەتىنىڭ دەرەگىنشە، فاس Apple-عا قاتىستى تەرگەۋدى باستادى، ويتكەنى iPhone مەن iPad-گە اتالعان قوسىمشالار ورناتىلمايدى. بۇعان دەيىن قىزمەت كومپانيادان رەسەيلىك ىزدەۋ جۇيەلەرىنە قاتىستى كەمسىتۋشىلىك جاعدايلاردى جويۋدى جانە iOS جۇيەسىندەگى قۇرىلعىلارعا باعدارلامالىق جاساقتامانى الدىن الا ورناتۋ تالاپتارىن ورىنداۋدى سۇراعان.
ەسكەرتۋگە نەگىز بولعان — Apple قۇرىلعىلارىندا ادەپكى بويىنشا شەتەلدىك ىزدەۋ جۇيەسى ورناتىلعان، بۇل رەسەي زاڭناماسىنا قايشى كەلەدى. جەرگىلىكتى زاڭدار بويىنشا، رەسەيدە ساتىلاتىن تەحنيكا رەسەيلىك ىزدەۋ جۇيەسىن نەمەسە ەاەو ەلدەرىنىڭ ۇقساس قىزمەتىن قولداۋى ءتيىس.
ۆەدومستۆو مالىمدەگەندەي: «كومپانيا فاس-تىڭ iOS وپەراسيالىق جۇيەسىندەگى قۇرىلعىلارعا ۇلتتىق مەسسەندجەر مەن وتاندىق قوسىمشالار دۇكەنىن الدىن الا ورناتۋ جونىندەگى ەسكەرتۋىن ورىندامادى».