رەسەيدىڭ مەملەكەتتىك دۋماسى موبيليزاسيا كەزەڭىندە جانە ەرەكشە كەزەڭدەردە قورعانىس مينيسترلىگىمەن كەلىسىمشارت جاساسۋعا رۇقسات ەتىلەتىن، سوتتىلىعى الىنباعان نەمەسە وتەلمەگەن ازاماتتار ساناتىنىڭ ءتىزىمىن كەڭەيتتى، دەپ حابارلايدى NUR.KZ ربك-عا سىلتەمە جاساپ.
قۇجاتتى رەسەي ۇكىمەتى 17 شىلدەدە ەنگىزگەن ەدى، ال كەشە مەملەكەتتىك دۋما موبيليزاسيا كەزەڭىندە رەسەي قارۋلى كۇشتەرىمەن سوتتىلىعى الىنباعان نەمەسە وتەلمەگەن ازاماتتارعا كەلىسىمشارت جاساسۋ مۇمكىندىگىن كەڭەيتەتىن زاڭ جوباسىن قابىلدادى.
كەڭەيتىلگەن تىزىمگە قىلمىستىق كودەكستىڭ مىنا باپتارى ەندى: قولما-قول اقشانى، ەسىرتكى قۇرالدارىن، پاتوگەندى بيولوگيالىق اگەنتتەردى، قارۋدى، يادرولىق ماتەريالداردى نەمەسە جارىلعىش زاتتاردى كونتراباندالاۋ؛ بانديتيزم جانە قىلمىستىق قوعامداستىق ۇيىمداستىرۋ؛ كۇزەتىلەتىن وبەكتىلەرگە زاڭسىز كىرۋ؛ وتىن-ەنەرگەتيكا كەشەنى وبەكتىلەرىنىڭ قاۋىپسىزدىگىن بۇزۋ جانە يادرولىق ماتەريالدارمەن زاڭسىز اينالىسۋ؛ مەملەكەتتىك قۇپيانى قامتيتىن قۇجاتتاردى جوعالتۋ؛ زاڭسىز كوشى-قوندى ۇيىمداستىرۋ؛ يادرولىق ماتەريالداردى ۇرلاۋ.
رەسەي قورعانىس مينيسترلىگى قۇجاتتا سوتتىلىعى بار ادامدار ءۇشىن قاتاڭ باقىلاۋ جانە ارنايى بولىمشەلەر قۇرۋ كوزدەلگەنىن اتاپ ءوتتى.