رەسەيلىك رەپەر دجيگاننىڭ ۇيىندە اتىس بولۋى مۇمكىن دەگەن اقپارات تاراعان سوڭ، تەك پوليسيا عانا ەمەس، رەسگۆارديا دا تەكسەرۋگە كىرىستى، دەپ حابارلايدى infohub.kz سايتى.
SHOT Telegram-ارناسىنىڭ دەرەگىنشە، رەسگۆارديا قىزمەتكەرلەرى رەپەر بارعان ماسكەۋ تۇبىندەگى بارلىق اتىس كلۋبتارىنا قوڭىراۋ شالىپ جاتىر. ول تۋرالى ىشكى ستاتيستيكا سۇراتىلۋدا: قانشا ۋاقىت بولعانى، قارۋى مەن ۇسىنعان انىقتامالارى تۋرالى مالىمەتتەر. سونىمەن قاتار، دجيگاننىڭ ەسى دۇرىس بولعان-بولماعانى، ءوزىن قالاي ۇستاعانى جانە بەلگىلەنگەن ەرەجەلەردى ساقتاعان-ساقتاماعانى انىقتالۋدا.
ۇيدەگى اتىس بولجامىنان كەيىن دەنيس ۋستيمەنكو-ۆاينشتەيننىڭ قارۋ ۇستاۋعا مەديسينالىق انىقتامالاردى قالاي العانى جانە قارۋ مەديسينالىق كوميسسياسىنان قايدا وتكەنى دە تەكسەرىلۋدە.
ايتا كەتەيىك، ءقازىر رەسەيدە قارۋدى زاڭدى تۇردە ۇستاۋ ءۇشىن تۇرعىلىقتى جەرى بويىنشا رەسگۆارديا بەرگەن رۇقسات قاجەت. قارۋ ق ۇلىپتالاتىن سەيفتە ساقتالۋى ءتيىس، ال كىلت تەك يەسىندە بولۋى كەرەك.
بۇعان دەيىن باق-تا رەپەر دجيگان ادامداردى كەپىلگە الىپ، ءوز ۇيىندە اتىس شىعاردى دەگەن اقپارات پايدا بولعان. الايدا ونىڭ ادۆوكاتى سەرگەي جورين بۇل ايىپتاۋلاردى جالعان دەپ مالىمدەدى.
سونىمەن قاتار، رەسەيدەگى پوليسيا اتىس تۋرالى حابارلاردان كەيىن تەكسەرۋدى ءبارىبىر باستادى.
بۇدان بولەك، وكسانا سامويلوۆا بۇرىنعى كۇيەۋى دجيگاندى اتا-انالىق قۇقىعىنان شەكتەۋدى سۇراپ، سوتقا تالاپ ارىز بەرگەنى بەلگىلى بولدى.