شىعىس قازاقستان وبلىسىنىڭ ريددەر قالاسىندا قايعىلى وقيعا بولدى: سپورتتىق موتوتەحنيكانى باسقارعان 13 جاستاعى قىز اتقا بايلانعان ارقانعا ءىلىنىپ، قازا تاپتى. وقيعا تۇرعىن ءۇيدىڭ ماڭىندا بولعان، دەپ حابارلايدى infohub.kz سايتى.
شىعىس قازاقستان وبلىسى پوليسيا دەپارتامەنتىنىڭ مالىمەتىنشە، الدىن الا انىقتالعانداي، ءجاسوسپىرىم باعاناعا بايلانعان ارقانعا ءىلىنىپ، مەرت بولعان. العان جاراقاتتارى سالدارىنان قىز وقيعا ورنىندا قايتىس بولدى. تاعى ءبىر كامەلەتكە تولماعان — 15 جاستاعى جولاۋشى — اۋرۋحاناعا جات قىزىلدى.
وسى فاكتى بويىنشا ريددەر قالالىق پوليسيا ءبولىمى ابايسىزدا ولىمگە اكەپ سوقتىرعانى ءۇشىن قىلمىستىق ءىس قوزعادى. قازىرگى ۋاقىتتا وقيعانىڭ بارلىق ءمان-جايى انىقتالىپ جاتىر. جانۋاردىڭ يەسى انىقتالىپ، پوليسيا بولىمىنە جەتكىزىلدى.
پوليسيادا قىلمىستىق ءىستىڭ تەرگەۋ بارىسى شقو پد باستىعىنىڭ باقىلاۋىندا ەكەنىن اتاپ ءوتتى. قۇقىق قورعاۋ ورگاندارى اۋىل شارۋاشىلىعى جانۋارلارىنىڭ يەلەرىنە مال جايۋ ەرەجەلەرىن قاتاڭ ساقتاۋ قاجەتتىگىن ەسكەرتەدى: اۆتوموبيل جولدارىنىڭ ماڭىندا مال جايۋعا جانە ايداۋعا تىيىم سالىنادى.