قاراعاندى وبلىسىنىڭ وقۋشىلارى تومسكىدە وتكەن روبوت تەحنيكاسىن جاساۋ بويىنشا جارىستا ساتتىلىككە قول جەتكىزدى، دەپ ءبىلىم بەرۋ باسقارماسىنىڭ ءباسپاسوز قىزمەتى حابارلايدى.
قاراعاندىلىقتار تومسك وبلىسى گۋبەرناتورىنىڭ كۋبوگىن يەلەندى. «دارىن» مامانداندىرىلعان مەكتەپ-ينتەرنات كومانداسى «كەگەرلينگ» ساناتىندا ءبىرىنشى ورىندى، «روبوتتار ءبيى» ساناتىندا - ءۇشىنشى ورىندى جەڭىپ الدى. «سۋمو» ساناتىندا ەكىنشى ورىن قاراعاندى №1 قازاق-تۇرىك ليسەيى كومانداسىنىڭ ەنشىسىنە ءتيدى. جەزقازعان № 3 قازاق-تۇرىك ليسەيىنىڭ كومانداسى «تۋدى جاۋلاپ الۋ» ساناتىندا ەكىنشى ورىن الدى»، - دەلىنگەن حابارلامادا.
جەڭىمپازدار مەن جۇلدەگەرلەرگە كۋبوكتار، ديپلومدار، مەدالدار، سونداي-اق «Lego» ەستەلىك سىيلىقتارى بەرىلدى. ۇيىمداستىرۋشىلار اقپاراتى بويىنشا، جارىسقا مەكتەپكە دەيىنگى جانە مەكتەپ جاسىنداعى 200-دەن استام بالا قاتىسقان. قازاقستاننان قاراعاندى جانە پاۆلودار وبلىسىنىڭ وقۋشىلارى باردى.