قازاقستاندىق تەننيسشىلەر فرانسيا اشىق چەمپيوناتى – رولان گارروس ءتۋرنيرىنىڭ العاشقى اينالىمىن ءساتتى اياقتاپ، تولىق قۇرامدا ەكىنشى كەزەڭگە جولداما الدى.
سوڭعى بولىپ كورتقا شىققان يۋليا پۋتينسەۆا ارگەنتينالىق سولانا سەررامەن (WTA رەيتينگى بويىنشا 110-ورىندا) كەزدەسىپ، ماچتى ەكى سەتتە اياقتادى. ءبىرىنشى سەت تارتىستى ءوتىپ، تاي-برەيكتە اياقتالدى — 7:6 (7:4)، 6:2.
سونىمەن قاتار، جۇپتىق سىندا ەل نامىسىن قورعاپ جاتقان اننا دانيلينا دا كەلەسى كەزەڭگە ءوتتى.
بۇعان دەيىن الەكساندر شەۆچەنكو مەن الەكساندر بۋبليك تە قارسىلاستارىن جەڭىپ، ەكىنشى اينالىمعا شىققان بولاتىن. وسىلايشا، قازاقستاندىق تەننيسشىلەر رولان گارروستا تولىق قۇرامدا جارىستى جالعاستىرادى.