استانادا قازاقستاننىڭ حالىق ءارتىسى روزا رىمباەۆانىڭ شىعارماشىلىق جولىنا 50 جىل تولۋىنا ارنالعان كەش ءوتتى. بۇل مەرەكەلىك شاراعا ءانشىنىڭ وتباسى دا ارنايى كەلدى. كەشتىڭ ەرەكشە ءساتى – روزا رىمباەۆانىڭ نەمەرەسى زەيىننىڭ ساحناعا شىعىپ، اجەسىنە ارناپ ولەڭ وقۋى بولدى.
بۇل تۋرالى Infohub.kz اقپارات اگەنتتىگى حابارلايدى.
كىشكەنتاي زەيىن اجەسىنە دەگەن سۇيىسپەنشىلىگىن ولەڭ جولدارىمەن جەتكىزگەندە، زال ءىشى جىلى لەبىز بەن قوشەمەتكە تولى بولدى. كورەرمەندەر جاس تالانتتىڭ ونەرىن جوعارى باعالاپ، ونىڭ اجەسىنىڭ جولىن جالعاستىراتىنىنا سەنىم ءبىلدىردى. الەۋمەتتىك جەلى قولدانۋشىلارى دا زەيىننىڭ اجەسىنە دەگەن ماحابباتىن، ونەرىن ماقتاپ، «وركەنىڭ ءوسسىن، بالاپان!» دەگەن تىلەكتەرىن جاۋدىردى.