رۋدنىي قالاسىنداعى پاتەرلەردىڭ بىرىندە ەر ادامنىڭ ءمايىتى زورلىق-زومبىلىق بەلگىلەرىمەن تابىلدى. تەرگەۋ باستالدى، دەپ حابارلايدى infohub.kz.
قوستاناي وبلىستىق پوليسيا دەپارتامەنتى ءباسپاسوز قىزمەتىنىڭ مالىمەتىنشە، رۋدنىي قالاسىنداعى پاتەردە 56 جاستاعى ەر ادامنىڭ ءمايىتى زورلىق-زومبىلىق بەلگىلەرىمەن تابىلعان سوڭ، پوليسيا سوتقا دەيىنگى تەرگەۋدى باستادى.
"قازىرگى ۋاقىتتا وقيعانىڭ بارلىق ءمان-جايىن جانە قىلمىس جاساۋعا قاتىسى بار تۇلعانى انىقتاۋ ءۇشىن قاجەتتى جەدەل-تەرگەۋ شارالارى جۇرگىزىلۋدە"، — دەپ مالىمدەدى قوستاناي وبلىستىق پوليسيا دەپارتامەنتى.
تەرگەۋ مۇددەسىنە وراي ۆەدومستۆو وزگە اقپاراتتى جاريالامايدى.