ق ر ءبىلىم جانە عىلىم ءمينيسترى ەرلان ساعاديەۆتىڭ ايتۋىنشا، ونداي شارا كوكتەمدە ۇيىمداستىرىلاتىن بولادى.
«بۇعان دەيىن ءبىز اتا-انالاردى جۇمىستان ەرتە جىبەرۋ ماسەلەسىن كوتەرگەن ەدىك. سەبەبى بالالار تاربيەسىندەگى اتا-انالاردىڭ ءرولى تومەندەپ كەتكەن. بۇگىندە مەملەكەتتىك قىزمەتشىلەردىڭ ىشىنەن اتا-انالار جينالىستارىنا كوپ ادام قاتىسىپ جۇرگەن جوق. ءبىزدىڭ ەسەبىمىزگە سايكەس، اتا-انالاردىڭ 40 پايىزى 11 سىنىپقا دەيىن مەكتەپ جينالىستارىنا بىردە-بىر رەت قاتىسپاعان. قازىرگى كەزدە ديرەكتورلار جاعدايدىڭ ءسال-پال وزگەرگەنى جايىندا ايتىپ وتىر. دەگەنمەن، اعىمداعى جىلى كوكتەمدە ءبىز «اتا-انالار ساعاتى» اتتى ۇلتتىق كۇندى وتكىزۋدى جوسپارلاپ وتىرمىز. سول كەزدە بارلىق مەملەكەتتىك ورگانداردان، ۇلتتىق كومپانيالار مەن جەكە مەنشىك فيرمالاردان اتا-انالاردى ەرتەرەك بوساتۋدى سۇرايتىن بولامىز»، - دەدى ساعادييەۆ ۇكىمەتتىڭ بۇگىنگى وتىرىسىندا.