قازاقستاندىق ينۆەستورلار مەن ترەيدەرلەر ەندى سيفرلىق اكتيۆتەرمەن جاسالعان وپەراسيالار بويىنشا ەسەپتىلىكتى اۆتوماتتى تۇردە دايىنداي الادى. Binance Kazakhstan پروۆايدەرى ءوز پلاتفورماسىندا تاۋەلسىز اناليتيكالىق قۇرال SUMM-مەن (بۇرىنعى Crypto Tax Calculator) ينتەگراسيالانعان «سالىق ەسەبى» ءبولىمىن ىسكە قوستى... بۇل تۋرالى infohub.kz سايتى حابارلايدى.
قۇرال مامىلەلەر، تولىقتىرۋلار جانە اقشا شىعارۋ تاريحىن جيناپ، 2025 جىلعا ارنالعان دەكلاراسيانى تاپسىرۋعا دايىن ەسەپتەۋ جاسايدى. قازاقستاندىق سالىق رەزيدەنتتەرى ونى 2026 جىلدىڭ 15 قىركۇيەگىنە دەيىن تاپسىرۋعا مىندەتتى.
Binance Kazakhstan-نىڭ جاڭا شەشىمى پايدالانۋشىلاردى ترانزاكسيالار تاريحىن قولمەن جۇكتەپ، كەستەلەردى وزدىگىنەن قۇراستىرۋ قاجەتتىلىگىنەن بوساتادى.
تەك Binance Kazakhstan-دا ساۋدا جاسايتىن كليەنتتەر ءۇشىن SUMM سەرۆيسى ەسەپتى تەگىن جاسايدى. ەگەر ينۆەستور باسقا پلاتفورمالار مەن سىرتقى ءاميانداردان دەرەكتەردى بىرىكتىرگىسى كەلسە، پلاگين ءبىرىنشى جىل ىشىندە SUMM سەرۆيستەرىنە 30% جەڭىلدىك بەرەدى.
«ءبىز قازاقستانداعى پايدالانۋشىلارىمىزعا سالىق ەسەپتىلىگىن جەڭىلدەتۋ ءۇشىن ۇزاق ۋاقىت جۇمىس ىستەدىك. بۇل ءبىزدىڭ قاۋىمداستىقتىڭ بىزگە ۇنەمى جۇگىنەتىن ماسەلەلەرىنىڭ ءبىرى: وپەراسيالار بويىنشا دەرەكتەردى قالاي دۇرىس جيناۋ، ەشتەڭەنى جىبەرىپ الماۋ جانە قولمەن ەسەپتەۋگە ساعاتتار جۇمساماۋ»، – دەپ اتاپ ءوتتى Binance Kazakhstan باس مەنەدجەرى نۇرحات كۇشىموۆ.
قۇرىلعان قۇجات سالىق ورگاندارىنا اۆتوماتتى تۇردە جىبەرىلمەيدى جانە رەسمي دەكلاراسيانى الماستىرمايدى. پايدالانۋشى ەسەپتەۋلەردى ءوزى تەكسەرىپ، قورىتىندى دەرەكتەردى مەملەكەتتىك كىرىستەر كوميتەتىنە جىبەرۋى ءتيىس.
سيفرلىق اكتيۆتەر بويىنشا سالىق ولاردى ساتۋ كەزىندە تۋىندايدى. سالىق سالىناتىن كىرىس رەتىندە قۇننىڭ ءوسىمى – ساتۋ باعاسى مەن قۇجاتتالعان ساتىپ الۋ باعاسى اراسىنداعى وڭ ايىرما تانىلادى.
ەگەر دەكلاراسيا قورىتىندىسى بويىنشا ينۆەستوردا جەكە تابىس سالىعى تولەنەتىن بولسا، ونى بيۋدجەتكە 2026 جىلدىڭ 25 قىركۇيەگىنەن كەشىكتىرمەي اۋدارۋ قاجەت.
بۇعان دەيىن «كۋرسيۆ» كريپتوۆاليۋتادان تابىس تاباتىن قازاقستاندىقتاردى سالىقتان بوساتۋ ۇسىنىلعانىن جازعان.