«قازاقمىس» ج ش س جانە Qazaq Stroy Properties كومپانياسىنىڭ يەسى نۇرلان ارتىقبايەۆ «قازاقتەلەكومنىڭ» 8،9% اكسياسىن «سامرۋك-قازىنا» قورىنا ساتتى. بۇل تۋرالى infohub.kz حابارلايدى.
اكسيونەرلەردىڭ جاڭارتىلعان قۇرىلىمى بۇل دەرەكتەردى راستايدى. 2026 جىلدىڭ ءساۋىر ايىنىڭ باسىندا بيزنەسمەنگە TelecomSystems Ltd. كومپانياسى ارقىلى 954 361 اكسيا تيەسىلى بولعان. بۇل اينالىمداعى بارلىق جاي اكسيالاردىڭ 8،91%-ىن قۇراعان. الايدا 1 شىلدەدەگى ۇزىندىدە بۇل كومپانيا كورسەتىلمەگەن، ال «سامرۋك-قازىنا» ۇلەسى 80،85%-دان 91،27%-كە دەيىن وسكەن. ارتىقبايەۆ پاكەتكە ءبىر جىلدان ءسال استام ۋاقىت يەلىك ەتىپ، ارنايى ديۆيدەندتەر ەسەبىنەن شامامەن 30 ملرد تەڭگە، ال اكسيا قۇنىنىڭ وسۋىنەن تاعى 5 ملرد تەڭگە تابىس تاپقان.
بۇعان دەيىن «قازاقتەلەكوم» بۇرىنعى باسشىسى باعدات مۋسين مەن ونىڭ توپ-مەنەدجەرلەرىنىڭ تابىستارى تۋرالى حابارلانعان بولاتىن.