Samsung كومپانياسىنىڭ جاڭا بۋىن اقىلدى ساعاتتارى — Galaxy Watch Ultra2 جانە Galaxy Watch9 — Qualcomm Snapdragon Wear Elite پروسەسسورىمەن، جارىقتىلىعى 5000 نيتكە دەيىنگى ديسپلەيمەن جانە جاقسارتىلعان اۆتونومدىلىقپەن جابدىقتالعان. بۇل تۋرالى infohub.kz سايتى حابارلايدى.
47 مم ديامەترلى Galaxy Watch Ultra2 مودەلى ەكسترەمالدى سپورت تۇرلەرىنە ارنالعان. بۇل Samsung كومپانياسىنىڭ Qualcomm Snapdragon Wear Elite پلاتفورماسىنا نەگىزدەلگەن العاشقى ساعاتى. كورپۋسى الدىڭعى ۇلگىمەن سالىستىرعاندا 12%-عا جۇقارعان. اككۋمۋلياتور سىيىمدىلىعى 800 ماچ قۇرايدى، بۇل 35%-عا كوپ، ال ەكراننىڭ ەڭ جوعارى جارىقتىلىعى 5000 نيتكە جەتەدى. تاۋلى جەرلەردە جۇگىرۋگە ارنالعان Trail Run اتتى ارنايى فۋنكسيا بيىكتىك وزگەرىستەرى مەن كوتەرىلۋ بارىسىن ناقتى ۋاقىتتا كورسەتەدى.
ەكىنشى قۇرىلعى — Galaxy Watch9 — كۇندەلىكتى فيزيكالىق بەلسەندىلىكتى باقىلاۋعا ارنالعان. ەكى مودەل دە جەكە جي-كومەكشىلەر رەتىندە جۇمىس ىستەيدى: پايدالانۋشىنىڭ ومىرلىك كورسەتكىشتەرىن تالداپ، دەنساۋلىق جاعدايى تۋرالى ۋاقىتىلى حابارلامالار جىبەرەدى. جاڭا ونىمدەردىڭ تۇساۋكەسەرى Samsung Galaxy Unpacked جازعى ءىس-شاراسى اياسىندا ءوتتى.