سان-فرانسيسكوداعى باقىلاۋ الاڭىنا 100-دەن استام ادام جينالىپ، جيناقتالعان اشۋ-ىزاسىن تىنىق مۇحيتقا قاراي قاتتى ايقايمەن شىعاردى، دەپ حابارلايدى infohub.kz سايتى.
«تەڭىز جاعاسىنداعى كومەي ايقايى» دەپ اتالعان ەرەكشە شارانى جەرگىلىكتى تۇرعىن دانيەل يگان ۇيىمداستىردى. ونىڭ ايتۋىنشا، قازىرگى الەمدە سترەسس سەبەپتەرى كوپ — تۇرعىن ءۇي جالداۋ باعاسىنىڭ قىمباتتىعىنان باستاپ جاساندى ينتەللەكتتىڭ دامۋىنا بايلانىستى الاڭداۋشىلىققا دەيىن. ۇيىمداستىرۋشى ەموسيانى پىكىرلەس ادامدارمەن بىرگە شىعارۋ الدەقايدا ءتيىمدى ءارى قىزىقتى بولادى دەپ شەشتى.
جالپى ايقايلاۋ الدىندا قاتىسۋشىلار ەڭ ۇزدىك ايقاي سايىسىن وتكىزدى. قازىلار قاتىسۋشىلاردى داۋىس قاتتىلىعى، ۇزاقتىعى جانە ورىنداۋ ەرەكشەلىگى بويىنشا باعالادى. سايىستىڭ جەڭىمپازى وليۆيا گۋلەلموتتو بولدى، ونىڭ داۋىسى 121،9 دەسيبەلگە جەتتى. ەڭ قاتتى ايقاي ءۇشىن قىزعا مەگافون تابىس ەتىلدى.
كەزدەسۋ شامامەن ءبىر مينۋتقا سوزىلعان ۇجىمدىق سينحروندى ايقايمەن اياقتالدى. سودان كەيىن قاتىسۋشىلار اڭگىمەلەسىپ، مۇحيتتا شومىلدى. ۇيىمداستىرۋشىلار مۇنداي كەزدەسۋلەر ادامدارعا پسيحولوگيالىق كۇيزەلىستەن ارىلۋعا كومەكتەسەدى دەپ ۇمىتتەنەدى.