قازاقستاننىڭ ەكس-پرەزيدەنتى نۇرسۇلتان نازارباەۆتىڭ جۇبايى، قوعام قايراتكەرى سارا الپىس قىزى نازارباەۆا قازىرگى تاڭدا ۇلتتىق گوسپيتالدە ەم قابىلداپ جاتىر. بۇل تۋرالى مەكەمە ديرەكتورىنىڭ «قازاقپارات» اگەنتتىگىنە بەرگەن رەسمي جاۋابىندا ايتىلدى.
— سارا نازارباەۆا بەكىتىلگەن مەديسينالىق ستاندارتتارعا سايكەس ەم الىپ جاتىر. الايدا ونىڭ ناقتى دياگنوزى مەن دەنساۋلىعىنا قاتىستى اقپارات دارىگەرلىك قۇپيا بولىپ ەسەپتەلەدى. بۇل – ونىڭ جەكە ءومىرىن، ەمدەلۋ بارىسىنا سىرتقى ارالاسۋدان قورعاۋعا باعىتتالعان زاڭدى قۇقىقتارى، — دەلىنگەن گوسپيتال تاراتقان مالىمدەمەدە.
ەسكە سالايىق، مامىر ايىنان بەرى سارا نازارباەۆانىڭ دەنساۋلىعىنا بايلانىستى ءتۇرلى الىپ-قاشپا سوزدەر تاراعان. كەيبىر الەۋمەتتىك جەلىلەردە ونىڭ قايتىس بولعانى جونىندە نەگىزسىز اقپارات جاريالانعان ەدى. بۇل قاۋەسەتتى ەكس-پرەزيدەنتتىڭ ءباسپاسوز حاتشىسى رەسمي تۇردە جوققا شىعارعان.
سارا الپىس قىزى — قازاقستانداعى بالا قۇقىعىن قورعاۋ سالاسىندا ءبىرقاتار ءىرى جوبالار مەن باستامالاردىڭ اۆتورى.