قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ ءباسپاسوز حاتشىسى ايدوس ۇكىباي قوعامدا تاراعان سارا نازارباەۆانىڭ قايتىس بولعانى جونىندەگى اقپاراتتى رەسمي تۇردە جوققا شىعاردى. بۇل تۋرالى ول ءوزىنىڭ X (بۇرىنعى Twitter) الەۋمەتتىك جەلىسىندەگى پاراقشاسىندا جازدى، دەپ حابارلايدى Infohub.kz.
«باق-تان كەلىپ تۇسكەن كوپتەگەن سۇراۋلارعا بايلانىستى كەلەسىنى حابارلايمىن. قازاقستاننىڭ ءبىرىنشى پرەزيدەنتى نۇرسۇلتان نازارباەۆتىڭ ايەلى سارا الپىس قىزى اۋرۋحانادا ەم قابىلداپ جاتىر. ونىڭ قايتىس بولعانى تۋرالى اقپارات شىندىققا سايكەس كەلمەيدى»، – دەلىنگەن مالىمدەمەدە.
ايتا كەتەيىك، بۇعان دەيىن بىرنەشە اقپارات قۇرالدارى سارا نازارباەۆا كوز جۇمدى دەگەن مالىمەت تاراتقان بولاتىن. الايدا ازىرگە بۇل دەرەكتەر رەسمي ورگاندار تاراپىنان راستالمادى.
سارا الپىس قىزى نازارباەۆا – قايىرىمدىلىق پەن بالالارعا ارنالعان الەۋمەتتىك جوبالارعا باستاماشى بولعان تۇلعا. ول «بوبەك» قورى مەن «ءوزىن-وزى تانۋ» باعدارلاماسى ارقىلى قوعامدىق ومىردە بەلسەندى ءرول اتقارعان.