تامىز ايىنىڭ سوڭعى جەكسەنبىسىندە، 30-شى كۇنى، قاراعاندى وبلىسى ءداستۇرلى تۇردە كەنشىلەر كۇنىن اتاپ ءوتتى. كومىر سالاسىنىڭ مىڭداعان قىزمەتكەرلەرى مەن تۇتاس كەنشىلەر اۋلەتتەرى تۇراتىن سەرىكتەس قالالار Qarmet كومپانياسىمەن بىرگە اۋقىمدى مەرەكەلىك شارالار ۇيىمداستىردى، دەپ حابارلايدى infohub.kz سايتى.
ساران، شاحتينسك جانە اباي قالالارىندا ءبىر ۋاقىتتا ۇلكەن مەرەكەلىك كونسەرتتەر ءوتتى. قالا الاڭدارىنا كەنشىلەر، سالا ارداگەرلەرى، ولاردىڭ وتباسىلارى مەن مىڭداعان تۇرعىندار جينالدى. كاسىبي مەرەكەمەن جينالعانداردى وبلىس اكىمى ەرماعانبەت بولەكپايەۆ، Qarmet باسقارما ءتوراعاسى پەتر ترۋشين جانە Qarmet كومىر دەپارتامەنتىنىڭ ديرەكتورى دجاقان مۇحامەدجانوۆ قۇتتىقتادى.
«بۇل مەرەكە ءبىزدىڭ وڭىردەگى ەڭ باستى مەرەكەلەردىڭ ءبىرى بولدى جانە سولاي قالا بەرەدى. كەنشىلەر وبلىسىمىزدىڭ دامۋىنا ەلەۋلى ۇلەس قوسۋدا. كومىر سالاسىنىڭ قىزمەتكەرلەرى مەن ارداگەرلەرىن شىن جۇرەكتەن قۇتتىقتايمىن، زور دەنساۋلىق، وتباسىلىق باقىت جانە، ارينە، ءقاۋىپسىز ەڭبەك تىلەيمىن»، – دەدى وبلىس اكىمى.
ساحنالاردا تانىمال قازاقستاندىق ارتىستەر Luina، نۇرجان كەرمەنبايەۆ جانە Bayansulu ونەر كورسەتتى. سۇيىكتى اندەر، جارقىن ونەرلەر جانە ۇلكەن حالىقتىق مەرەكەنىڭ اتموسفەراسى ءۇش كەنشى قالاسىن بىرىكتىردى.
«كەنشىلەر – مۇلدەم ەرەكشە ادامدار. سىزدەردىڭ ماماندىقتارىڭىز اركىمگە بىردەي بەرىلە بەرمەيتىن قاسيەتتەردى تالاپ ەتەدى. ەڭ الدىمەن، بۇل – بىر-بىرىنە دەگەن زور سەنىم. سىزدەر كۇن سايىن اۋىر جاعدايدا جۇمىس ىستەيسىزدەر، وندا قاسىڭدا سەنىمدى جولداستارىڭنىڭ بولۋى وتە ماڭىزدى، ولار كەز كەلگەن ساتتە كومەككە كەلۋگە دايىن. ءدال وسى – سىزدەردىڭ كۇشتەرىڭىز بەن ەرەكشە قۇندىلىقتارىڭىز. اۋىر ەڭبەكتەرىڭىز ءۇشىن راحمەت جانە ءبارىمىزدىڭ اتىمىزدان سىزدەرگە باس يەمىز!»، – دەپ قۇتتىقتادى Qarmet باسقارما ءتوراعاسى پەتر ترۋشين.
ساران، شاحتينسك جانە اباي ءۇشىن كەنشىلەر كۇنى – كاسىبي مەرەكەدەن دە ارتىق. بۇل قالالاردىڭ تاريحى مەن دامۋى ونداعان جىلدار بويى كومىر سالاسىمەن جانە ەڭبەك ادامدارىمەن بايلانىستى. مۇندا كەنشىلەردىڭ بىرنەشە ۇرپاعى ءوستى، ەڭبەك اۋلەتتەرى قالىپتاستى جانە بۇگىنگى كۇنگە دەيىن جالعاسىپ كەلە جاتقان داستۇرلەر قۇرىلدى.
سوندىقتان كەنشىلەر كۇنى مۇندا ءداستۇرلى تۇردە ەرەكشە – بۇكىل قالا بولىپ اتاپ وتىلەدى. بۇل ارىپتەستەرمەن كەزدەسۋ، جاقىندارىمەن كەش وتكىزۋ جانە كۇن سايىن جەر استىندا ەڭبەك ەتەتىندەرگە تاعى ءبىر رەت قۇرمەت كورسەتۋ مۇمكىندىگى.
مەرەكەلىك باعدارلامالاردىڭ جارقىن اياقتالۋى ساران، شاحتينسك جانە اباي اسپانىن جارىقتاندىرعان فەيەرۆەركتەر بولدى جانە ۇلكەن كەنشىلەر مەرەكەسىنە اسەرلى نۇكتە قويدى.
ءۇش قالاداعى كونسەرتتەر Qarmetء-تىڭ كەنشىلەر كۇنىنە ارنالعان اۋقىمدى باعدارلاماسىنىڭ ءبىر بولىگى بولدى، ول بۇكىل كەنشى وڭىرىندەگى قالالاردى قامتىدى.
Qarmet كەنشىلەردى، سالا ارداگەرلەرىن، ەڭبەك اۋلەتتەرىن جانە كەنشى قالالارىنىڭ تۇرعىندارىن كاسىبي مەرەكەمەن قۇتتىقتايدى! قاراعاندى كومىر باسسەينىنىڭ مىقتى داستۇرلەرى جاڭا ۇرپاقتارمەن جالعاسا بەرسىن.