سارعايىپ كەلگەن ەگىن تولقىندانسا،
جاس ورمان، جەل كۇڭىرەنتىپ، انگە سالسا،
جاپىراقتىڭ جاسىل ءلاززاتتى ساياسىندا
باقشادا مويىل قايماق جاسىرىنسا.
سەبىلگەن الماس شىقپەن شىن حوش ءيىس،
سارى التىن - ەرتە، ياكي قىرمىزى كەش.
ءبىر توپتىڭ قولتىعىنان ك ۇلىپ قانا
باس ءيىپ ەسەندەسەر كۇمىس لاندىش.
سەكىرىپ سالقىن بۇلاق ويناپ سايدا،
باتىرىپ كومەسكى ءتۇس، تۇماندى ويعا،
شاپقىلاپ شىققان جەرىن اڭگىمە عىپ،
بىلدىرلاپ اق بەتىنەن سۇيگىزسە ايعا،-
سول ۋاقىت جاي تابادى اساۋ جانىم،
سول ۋاقىت جادىرايدى قاس-قاباعىم.
شىن باقتى تاپقانداي بوپ وسى جەردە-اق،
كورەمىن كوك جۇزىندە جاساعانىم...