2025 جىلى تۇركىستان وبلىسىندا ورنالاسقان اتاقتى «سارىاعاش» ءساناتوريى پايداسىن 75%-عا ارتتىرىپ، 269،5 ملن تەڭگەگە جەتكىزدى، دەپ حابارلايدى infohub.kz سايتى.
ءوسىمنىڭ نەگىزگى درايۆەرى — تاۋارلار مەن قىزمەتتەردى ساتۋدان تۇسكەن ءتۇسىمنىڭ، اسىرەسە وڭالتۋ جانە ساۋىقتىرۋ قىزمەتتەرىنەن تۇسكەن كىرىستىڭ كۇرت ارتۋى بولدى. ءتۇسىم 228 ملن تەڭگەگە ءوسىپ، 2،6 ملرد تەڭگەنى قۇرادى. ال قىزمەت كورسەتۋ قۇنى وتكەن جىلمەن سالىستىرعاندا ءىس جۇزىندە وزگەرىسسىز قالدى — 1،8 ملرد تەڭگە.
ءساناتوريدىڭ اكىمشىلىك شىعىندارى ءوستى، ءبىراق ونشا ەمەس — 112 ملن تەڭگەگە ارتىپ، 449 ملن تەڭگەگە جەتتى. ساتۋعا كەتكەن شىعىندار، كەرىسىنشە، 21،6 ملن تەڭگەگە دەيىن تومەندەدى. سونىمەن قاتار، ساناتوري تابىس سالىعىنان بوساتىلعان.
اۋديتورلار ەسەپتە 2026 جىلدىڭ ماۋسىمىندا اشىلعان Magic Wave اكۆاپاركىنىڭ قۇرىلىسى بويىنشا ينۆەستيسيالىق جوبانىڭ ىسكە اسىرىلۋى تۋرالى اقپاراتتىڭ كورسەتىلمەگەنىنە نازار اۋداردى.
ساناتوري باسشىلارىنا سىياقى 26 ملن تەڭگەنى قۇرادى. ونىڭ ىشىندە شىلدەگە دەيىن ديرەكتور قىزمەتىن اتقارعان رۋسلان دۇيسەنوۆ 10،6 ملن تەڭگە، ال التىنبەك ابدىكەروۆ 15،7 ملن تەڭگە الدى.
ساناتوري تولىعىمەن تۇركىستان وبلىسىنىڭ قارجى جانە مەملەكەتتىك اكتيۆتەر باسقارماسىنا تيەسىلى.
بۇعان دەيىن «كۋرسيۆ» «سوسنوۆىي بور» ءساناتوريى 2025 جىلدىڭ قورىتىندىسى بويىنشا 181،8 ملن تەڭگە پايدا تاپقانىن، ال 2024 جىلى بۇل كورسەتكىش 229،9 ملن تەڭگە بولعانىن حابارلاعان ەدى.