ساۋد ارابياسى يراك اۋماعىنان ۇشىرىلعان دروندار ەلدىڭ شىعىس-باتىس مۇناي قۇبىرىنا شابۋىل جاساعانىن راستادى. الايدا يراك پرەمەر-مينيسترىنىڭ وتىنىشىنە بايلانىستى رياد ازىرگە قارسى سوققى بەرۋدەن باس تارتىپ وتىر. بۇل تۋرالى ساۋد ارابياسىنىڭ سىرتقى ىستەر مينيسترلىگىنىڭ مالىمدەمەسىندە ايتىلعان، دەپ حابارلايدى infohub.kz سايتى.
مينيسترلىك سونىمەن قاتار ەلدىڭ ەگەمەندىگىن، قاۋىپسىزدىگىن جانە ستراتەگيالىق ماڭىزى بار نىساندارىن قورعاۋ ءۇشىن قاجەتتى شارالاردىڭ بارلىعىن قابىلداۋ قۇقىعىن وزىندە قالدىراتىنىن مالىمدەدى.
بۇعان دەيىن ساۋد ارابياسىنىڭ مەملەكەتتىك بۇقارالىق اقپارات قۇرالدارى شىعىس-باتىس مۇناي قۇبىرى شابۋىلداردان كەيىن ۋاقىتشا توقتاتىلعانىن حابارلاعان ەدى.
جاعداي تاياۋ شىعىستاعى شيەلەنىستىڭ ودان ءارى ۋشىعۋى اياسىندا ورىن الىپ وتىر. ايماقتاعى قاقتىعىس مۇناي جەتكىزىلىمىنە قاتىستى الاڭداۋشىلىقتى كۇشەيتىپ، الەمدىك نارىقتارعا اسەر ەتۋدە.