ساۋساقتى قاعازبەن كەسىپ العاندا نەگە قاتتى اۋىرتادى؟
قاعازدىڭ ميكروسكوپيالىق تالشىقتارىنىڭ جانە ساۋقساق تەرىسىنىڭ سەزىمتال رەسەپتورلارىنىڭ كەسىرىنەن ساۋساقتى قاعازبەن كەسىپ الۋ، باسقا زاقىمدانۋلارعا قاراعاندا الدەقايدا جانعا باتادى.
بۇل اۋىرتپالىقتى كوبىمىز بايقاعان بولارمىز؟ جانە دە تىلىك كوبىنە بايقالمايدى، وعان قوسا كوپ جاعدايدا قانامايدى. دەگەنمەن نەگە قاتتى اۋىرادى؟
مىسالى، ۇستارانىڭ وتكىر ءجۇزى جاراعا بوتەن بولشەكتەر قالدىرماي، تەگىس تىلىك جاسايدى. جانە مۇنداي تىلىك اۋرۋ تۋدىراتىنىمەن، ادەتتە جاعىمسىز سەزىم بىرنەشە مينۋتتان كەيىن قويىپ قالادى. ال پاراق، ءتىلىپ قانا قويماي، قۇرامىنداعى ميكروسكوپيالىق تالشىقتارىنىڭ كومەگىمەن باسقا دا ۇساق زاقىمدار كەلتىرەدى.
بۇدان وزگە، ساۋساقتى قاعاز پاراعىمەن ءتىلىپ العاندا جارادا وسى تالشىقتار مەن باسقا دا بوتەن ماتەريالداردىڭ بولشەكتەرى قالادى. ءدال وسىلار جارا ايماعىنداعى تەرىنىڭ اۋرۋ رەسەپتورلارىن قوزدىرادى. ءوز كەزەگىندە رەسەپتورلاردىڭ كوپ مولشەرى سەزىمتالدىقتى ارتتىرىپ، ادام ازعانتاي زاقىم كەلگەننىڭ وزىندە اۋرۋدى سەزىنەدى.
سونىمەن قاتار، بولار-بولماس تىلىك قاتتى قانامايتىندىقتان نەمەسە ءتىپتى قاناماعاندىقتان، قان جارادان بوتەن زاتتاردى «شىعارا» المايدى، جانە وعان جاڭا قوزدىرعىشتار تۇسەدى. مۇنىڭ ءبارى بۇدان دا زور جاراقات العان كەزدەگى اۋرۋدان دا قاتتى اۋرۋ تۋدىرادى.
You Might Also Like
-
باياعى وتكەن زاماندا ءبىر قالاشىقتا الەمنىڭ ەڭ سۇلۋ قىزى ءومىر ءسۇرىپتى. قىزدىڭ سۇلۋلىعى سونشالىق، ونى كورۋ ءۇشىن وتە الىس شاھارلاردان، ەلدەردەن وتە باي، اسقان كورىكتى، اسىل تەكتى جىگىتتەر كەلەدى ەكەن. ...
-
لوندوندىق فوتوگراف سەندي فورد (Sandi Ford) الەمگە جۇرەككە جىلى تيەتىن، ۇيىقتاپ جاتقان بوبەكتەردىڭ سۋرەتتەرىمەن تانىمال. ۇيقىداعى نارەستەنىڭ كۇلىمدەگەنىن كورىپ ءوزىڭنىڭ قالاي جىميعانىڭدى بايقام...
