قازاقستاندىق ءانشى Say Mo ونەر كورسەتۋى كەزىندە العان كۇتپەگەن ۇيلەنۋ ۇسىنىسى تۋرالى شىندىقتى ايتتى. ءارتىس بۇل — ءازىل ەكەنىن مويىنداپ، جۇرەگىنىڭ بوس ەكەنىن دە جەتكىزدى، دەپ حابارلايدى infohub.kz.
جۋىردا Say Mo-نىڭ كونسەرتى كەزىندە وعان ۇيلەنۋ ۇسىنىسى جاسالىپ، بۇل جانكۇيەرلەر اراسىندا قىزۋ تالقىعا ءتۇستى. كوپشىلىك جۇمباق كۇيەۋ جىگىتتىڭ كىم ەكەنىن جانە ءانشىنىڭ جاۋابى قانداي بولعانىن بىلگىسى كەلدى. كەيبىر جازىلۋشىلار بۇل شوۋ بولۋى مۇمكىن دەپ تە جورامالدادى. ءارتىس Instagram-داعى ستوريسىندە وقيعانى ناقتىلاپ، جانكۇيەرلەردىڭ سۇراقتارىنا اشىق جاۋاپ بەرۋدى ءجون سانادى.
«مەن "جوق" دەدىم. بارىڭە ايتارىم، بۇل پرانك ەدى. مەن تۇرمىسقا شىقپاق ەمەسپىن جانە ءقازىر ەشكىممەن قارىم-قاتىناستا ەمەسپىن. مەن بوس قىزبىن. بارلىق سۇراقتارىڭا جاۋاپ بەردىم دەپ ۇمىتتەنەمىن»، — دەپ جازدى Say Mo.
ەسكە سالايىق، 2020 جىلدىڭ قاراشا ايىندا ءانشى اكتەر شاريپ سەرىككە مۇسىلماندىق ءداستۇر بويىنشا كۇيەۋگە شىققان ەدى، الايدا ءبىر ايدان كەيىن اجىراساتىنىن مالىمدەدى.