مەدينادان الماتىعا ۇشقان SCAT اۋە كومپانياسىنىڭ ۇشاعى ومانعا ءماجبۇرلى قوندى. سەبەپ — جولاۋشىلاردىڭ ءبىرىنىڭ دەنساۋلىعى كۇرت ناشارلاعان، دەپ حابارلايدى infohub.kz سايتى.
وقيعا ساۋد ارابياسىنان قازاقستانعا ۇشۋ كەزىندە بولدى. وقىرمانداردىڭ مالىمەتىنشە، جولاۋشىعا جولدا جاعدايى ناشارلاپ، اۋە كەمەسىنىڭ كومانديرى ومان استاناسى ماسكاتتاعى قوسالقى اۋەجايعا قونۋ تۋرالى شەشىم قابىلداعان.
ۇشاق قونعان سوڭ جولاۋشى جەرگىلىكتى مەديسينالىق قىزمەتكەرلەرگە تاپسىرىلىپ، اۋرۋحاناعا جات قىزىلدى. قالعان جولاۋشىلار ۇشاققا جانارماي قۇيىلىپ، قاجەتتى راسىمدەردەن كەيىن جولىن جالعاستىردى.
اۋە كومپانياسىنىڭ ءباسپاسوز قىزمەتى وقيعانى راستادى. وندا بورتتا جولاۋشىعا العاشقى كومەك كورسەتىلگەنىن، الايدا ودان ءارى مەديسينالىق باقىلاۋ ءۇشىن قونۋ تۋرالى شەشىم قابىلدانعانىن ايتتى. "جولاۋشىلاردىڭ قاۋىپسىزدىگى، ءومىرى مەن دەنساۋلىعى — اۋە كومپانياسىنىڭ ءسوزسىز باسىمدىعى"، — دەپ اتاپ ءوتتى كومپانيادا.