سەمەيدە پوليسيا قىزمەتكەرلەرى ەكى قىزدى — جۇرگىزۋشى مەن اۆتوكولىك كاپوتىندا جۇرگەن جولاۋشىنى اكىمشىلىك جاۋاپكەرشىلىككە تارتتى، دەپ حابارلايدى infohub.kz سايتى.
اباي وبلىسى پوليسيا دەپارتامەنتىنىڭ رەسمي Telegram-ارناسىندا حابارلانعانداي، وقيعا 14 شىلدەدە قاراعايلى شاعىن اۋدانىندا بولعان. الەۋمەتتىك جەلىلەردى مونيتورينگتەۋ بارىسىندا ءتارتىپ ساقشىلارى Toyota RAV4 اۆتوكولىگىنىڭ كاپوتىندا جولاۋشىنىڭ وتىرعانى بەينەلەنگەن جازبانى انىقتادى.
قاتىسۋشىلاردىڭ جەكە باسى جەدەل انىقتالدى. رولدە 22 جاستاعى قالا تۇرعىنى بولعان. ول جولاۋشىنى كولىك قۇرالىنىڭ كابيناسىنان (سالونىنان) تىس تاسىمالداعانى ءۇشىن اكىمشىلىك جاۋاپكەرشىلىككە تارتىلدى. سونداي-اق قوزعالىس كەزىندە اۆتوكولىكتىڭ كاپوتىندا وتىرعان 24 جاستاعى جولاۋشى دا جول ءجۇرىسى قاعيدالارىن بۇزعانى ءۇشىن اكىمشىلىك جاۋاپكەرشىلىككە تارتىلدى.