22 شىلدەدە «سەمەي ورمانى» مەملەكەتتىك ورمان تابيعي رەزەرۆاتى اۋماعىندا ءۇش ورمان ءورتى بولدى، دەپ حابارلايدى infohub.kz.
الدىن الا مالىمەت بويىنشا، ورتتەر نايزاعاي رازريادتارىنان پايدا بولعان.
«ءورت وشاقتارى «قازاۆياورمانقورعاۋ» رمقك اۋە پاترۋلدەۋى جانە ورمان ورتتەرىن ەرتە انىقتاۋ جۇيەسى ارقىلى ۋاقىتىلى انىقتالدى. بۇل مەملەكەتتىك ورمان قورعاۋ قىزمەتكەرلەرى مەن اۆياسيالىق ءورت ءسوندىرۋ دەسانتشىلارىنا ورتتەردى وقشاۋلاۋعا جانە ولاردىڭ ودان ءارى تارالۋىن بولدىرماۋعا كىرىسۋگە مۇمكىندىك بەردى»، — دەلىنگەن قازاقستان رەسپۋبليكاسى ەكولوگيا جانە تابيعي رەسۋرستار مينيسترلىگىنىڭ حابارلاماسىندا.
ورمان قورعاۋ قىزمەتكەرلەرى مەن «قازاۆياورمانقورعاۋ» ماماندارىنىڭ ۇيلەسىمدى ءىس-قيمىلى جانە بارلىق قاجەتتى تەحنيكانىڭ ۋاقىتىلى تارتىلۋى ارقاسىندا شاعىن اۋماقتاردى قامتىعان ەكى ورمان ءورتى دە جەدەل جويىلدى جانە اينالاداعى اۋماققا ءقاۋىپ توندىرمەدى.
ءورت قاۋىپسىزدىگىنىڭ جوعارى سىنىبى جاعدايىندا قازاقستاندىقتار ءورت قاۋىپسىزدىگى تالاپتارىن قاتاڭ ساقتاۋعا، ورمانعا ۇقىپتى قاراۋعا جانە قورشاعان ورتانىڭ تازالىعىن ساقتاۋعا شاقىرىلدى.