اباي وبلىسىندا 'سەمەي ورمانى' قورىعىنداعى ورمان ءورتىن ءسوندىرۋ جۇمىستارى جۇرگىزىلۋدە. ءورت سوندىرۋگە اۆياسيا جۇمىلدىرىلدى، دەپ حابارلايدى Tengrinews.kz ءتىلشىسى (سايت infohub.kz).
قورىقتىڭ مالىمەتىنشە، ءورت 16 شىلدە كۇنى ساعات 09:45-تە بورودۋليحا فيليالىنىڭ كامىشەنكا ورمانشىلىعىنىڭ 57ء-شى توقسانىندا تىركەلگەن.
ەكولوگيا مينيسترلىگىنىڭ مالىمەتىنشە، ءورت سوندىرۋگە مەملەكەتتىك ورمان كۇزەتىنىڭ جەتى قىزمەتكەرى، اۆتوسيستەرنا، شاعىن ورمان ءورت كەشەنى، تراكتور، سونداي-اق Bambi Bucket سۋ توگەتىن قۇرىلعىسىمەن جابدىقتالعان 'قازاۆيالەسوقورعاۋ' رمقك اۋە كەمەسى جۇمىلدىرىلعان.
توپتى كۇشەيتۋ ءۇشىن ءورت ورنىنا قوسىمشا كۇشتەر جىبەرىلدى: ەكى اۆتوسيستەرنا، ەكى تراكتور، تاعى ءبىر شاعىن ورمان ءورت كەشەنى، تجد-نىڭ 30 قىزمەتكەرى جانە سەگىز بىرلىك تەحنيكا، سونداي-اق مەملەكەتتىك ورمان كۇزەتىنىڭ 11 قىزمەتكەرى.
سونىمەن قاتار، بۋكەباي اۋىلىنان ءورت ورنىنا Bambi Bucket سۋ توگەتىن قۇرىلعىسىمەن جابدىقتالعان AS350 تىكۇشاعى اۆياسيالىق ءورت ءسوندىرۋ قىزمەتىنىڭ دەسانتشىلارىمەن بىرگە ۇشىپ كەلدى. كاتونقاراعاي اۋىلىنان ءورت ورنىنا 'قازاۆيالەسوقورعاۋ' رمقك-نىڭ مي-8 تىكۇشاعى جىبەرىلدى.
قورىقتىڭ مالىمەتىنشە، ءورت اۋدانىندا اۋا تەمپەراتۋراسى +34 گرادۋس، سولتۇستىك-باتىس جەلدىڭ جىلدامدىعى سەكۋندىنا ءتورت مەترگە جەتەدى، ەكپىنى سەكۋندىنا سەگىز مەترگە دەيىن بارادى. ايماقتا ءورت ءقاۋپىنىڭ بەسىنشى، توتەنشە كلاسى ساقتالۋدا.
قازىرگى ۋاقىتتا ءورتتى لوكاليزاسيالاۋ جانە جويۋ جۇمىستارى جالعاسۋدا. 'سەمەي ورمانى' رەزەرۆاتىنىڭ مالىمەتىنشە، جاعداي تولىق باقىلاۋدا.
'سەمەي ورمانىنداعى' تراگەديا
2023 جىلعى 8 ماۋسىمدا 'سەمەي ورمانى' تابيعي رەزەرۆاتىنىڭ اۋماعىندا ورمان ءورتى شىقتى. سول كەزدە قۇتقارۋشىلار ەلدى مەكەندەرگە ءقاۋىپ جوق دەپ سەندىرگەن.
2023 جىلعى 9 ماۋسىمدا اباي وبلىسىنىڭ ورمان القابىنداعى ءورت اۋدانى كەنەتتەن 3 گەكتاردان 100 گەكتارعا دەيىن ۇلعايدى. سول كۇنى ول 30 مىڭ گەكتار ورماندى قۇرادى.
NASA-نىڭ 2023 جىلعى 9 ماۋسىمداعى ءتۇسىرىلىمى بويىنشا، ءورتتىڭ ەڭ ۇلكەن اۋماعى جەل باعىتىمەن – باتىستان شىعىسقا قاراي بولعان. كەيىنىرەك اباي وبلىسىنىڭ ورمان القابىنداعى ءورت اۋدانى 60 مىڭ گەكتارعا دەيىن جەتتى. ورتتە ورمانشىلىقتىڭ 14 قىزمەتكەرى قازا تاپتى.
باس پروكۋراتۋرانىڭ مالىمەتىنشە، 'سەمەي ورمانىنداعى' اۋقىمدى ءورتتىڭ قارساڭىندا كامەرا جۇمىس ىستەمەگەن. 2023 جىلعى 7 ماۋسىمدا، ءىرى ورمان ورتتەرى باستالاردان از ۋاقىت بۇرىن، اباي وبلىسىنداعى 'سەمەي ورمانى' مەملەكەتتىك ورمان تابيعي رەزەرۆاتىنداعى كامەرالاردىڭ ءبىرى وشىرىلگەن.