16 شىلدەدەن بەرى جانعان «سەمەي ورمانى» مەملەكەتتىك ورمان تابيعي قورىعىنداعى ءورت 28 شىلدەدە تولىق ءسوندىرىلدى، دەپ حابارلايدى infohub.kz.
ەكولوگيا مينيسترلىگىنىڭ ءباسپاسوز قىزمەتىنىڭ حابارلاۋىنشا، ءورت قورىقتىڭ كامىشەن ورمان شارۋاشىلىعىندا تىركەلگەن. ونى سوندىرۋگە ق ر ەكولوگيا جانە تابيعي رەسۋرستار مينيسترلىگى، ق ر توتەنشە جاعدايلار مينيسترلىگى جانە ق ر قورعانىس مينيسترلىگىنىڭ كۇشى مەن قۇرالدارى جۇمىلدىرىلدى. «بارلىق تارتىلعان قىزمەتتەردىڭ بىرلەسكەن جانە ۇيلەسىمدى ءىس-قيمىلىنىڭ ارقاسىندا ءورت تولىق ءسوندىرىلدى»، – دەپ اتاپ ءوتتى ۆەدومستۆودا.
ەسكە سالا كەتەيىك، 16 شىلدەدە اباي وبلىسىنداعى «سەمەي ورمانى» قورىعىنىڭ اۋماعىندا ورمان ءورتى بولدى. ونى ءسوندىرۋ ءۇشىن جەرۇستى تەحنيكاسى مەن اۆياسيا پايدالانىلدى. ءورت سالدارىنان «DosbolLike» لاگەرىنىڭ 190 بالاسى مەن 20 قىزمەتكەرى ەۆاكۋاسيالاندى.