بىرنەشە كۇن بويى جۇزدەگەن ادام مەن اۆياسيا كۇرەسكەن جالىن ءسوندىرىلدى. «سەمەي ورمانى» مەملەكەتتىك ورمان تابيعي رەزەرۆاتىنداعى ءىرى ورمان ءورتى وقشاۋلاندى، دەپ حابارلايدى infohub.kz.
2026 جىلعى 16 شىلدەدە پايدا بولعان ءورت 18 شىلدەدە ساعات 9:45-تە وقشاۋلاندى. ماماندار اۋقىمدى وپەراسيا بارىسىندا جەر ءۇستى كۇشتەرى مەن اۆياسيانى جۇمىلدىرىپ، وتتىڭ ءارى قاراي تارالۋىن توقتاتا الدى.
ءورت سوندىرۋگە «سەمەي ورمانى» جانە «ەرتىس ورمانى» مەملەكەتتىك ورمان تابيعي رەزەرۆاتتارىنىڭ قىزمەتكەرلەرى، «قازاۆياورمانقورعاۋ» رمك بولىمشەلەرى، سونداي-اق توتەنشە جاعدايلار مينيسترلىگى، ىشكى ىستەر مينيسترلىگى، قورعانىس مينيسترلىگى، ۇلتتىق قاۋىپسىزدىك كوميتەتى جانە جەرگىلىكتى اتقارۋشى ورگاندار كۇشتەرى جۇمىلدىرىلدى.
بارلىعى ورتپەن كۇرەسكە 769 ادام، 191 جەر ءۇستى تەحنيكاسى جانە 8 تىكۇشاق جۇمىلدىرىلدى. ءورتتى جويۋدا اۆياسيا ەرەكشە ءرول اتقاردى: ءسوندىرۋ باستالعاننان بەرى 319 رەت سۋ توگىلىپ، ءورت وشاعىنا 709 توننا سۋ جەتكىزىلدى.
وقشاۋلاۋدان كەيىن ماماندار وقيعا ورنىندا جۇمىستى جالعاستىرۋدا — اۋماقتى باقىلاۋ جانە ءورت سالدارىن تولىق جويۋ ءۇشىن قاجەتتى شارالار جۇرگىزىلۋدە.