«رۋكي ۆۆەرح!» توبىنىڭ ءانشىسى ءارى كوشباسشىسى سەرگەي جۋكوۆ ەكىباستۇزداعى ونەر كورسەتۋىنەن كەيىن الەۋمەتتىك جەلىدە قازاقستاندىقتارعا جۇگىنىپ، كورەرمەندەرگە جىلى قابىلداعانى ءۇشىن العىس ءبىلدىردى، دەپ حابارلايدى infohub.kz سايتى.
1 تامىزدا وتكەن كونسەرتتەن كەيىن مۋزىكانت ەموسياسىن تىيىپ تۇرا المادى. ول سول كەشتە ورناعان كەرەمەت اتموسفەرا ءۇشىن ريزاشىلىعىن ءبىلدىرىپ، كورەرمەندەر توپتىڭ بارلىق اندەرىن قوسىلىپ ايتقانىن اتاپ ءوتتى.
«ەكىباستۇز، دوستار! كەشەگى مەرەكەلىك كونسەرتكە بۇكىل قازاقستان جينالعانداي بولدى! ءبىزدى سونداي ىستىق قارسى الدىڭدار، ءار ءاننىڭ ءسوزىن سونداي قۋاتتى ايتتىڭدار، اۋقىمى، ەموسياسى مەن الاپات ەنەرگياسى جاعىنان تاعى ءبىر مەرەيتويلىق كونسەرت بولدى! ناعىز مەرەكە، ءىشتى وتقا وراپ، جاندىرادى. وسى كەرەمەت جىلى قابىلداۋلارىڭىز، كۇلكىلەرىڭىز بەن باقىتتىڭ الىپ تولقىنى ءۇشىن راحمەت. بۇكىل كوماندامىزبەن قۇشاقتايمىز»، — دەپ جازدى جۋكوۆ.
جانكۇيەرلەر دە شەتتە قالماي، الەۋمەتتىك جەلىلەردە كوپتەگەن تاڭدانىس بىلدىرەتىن پىكىرلەر قالدىردى. «سيقىرلى ەموسيالار ءۇشىن راحمەت»، «سەرگەي ەۆگەنەۆيچ، وتىنەمىز — پاۆلودارعا كەلىڭىزدەر!»، «ءبىز سەرگەيدى تىرىدەي كورىپ، جاستىق ارمانىمىزدى ورىنداۋ ءۇشىن — ءبىز ءسۇيىپ، قوشتاسىپ، دوس بولىپ، ەڭ جاقسىعا سەنگەن سول اندەردى بىرگە ايتۋ ءۇشىن وسكەمەننەن 700 شاقىرىم جول ءجۇرىپ كەلدىك»، — دەپ جازادى پايدالانۋشىلار.