ماروككودان يسپانيانىڭ سەۋتا انكلاۆىنا جاپپاي ءوتۋ ارەكەتى كەزىندە قازا تاپقاندار سانى 90-عا جەتتى، دەپ حابارلايدى infohub.kz سايتى.
يسپانيانىڭ Cadena SER راديوسىنىڭ دەرەگىنشە، يسپان قۇقىق قورعاۋ ورگاندارى 74 ءمايىتتى تاپقان، تاعى 16 ءمايىتتى ماروككو بيلىگى انىقتاعان. بۇعان دەيىن 57 ادام قازا تاپقانى حابارلانعان ەدى.
ەسكە سالايىق، 30-نان 31 شىلدەگە قاراعان ءتۇنى مىڭداعان ماروككولىق ميگرانت افريكانىڭ سولتۇستىگىندەگى يسپاندىق سەۋتا انكلاۆىنداعى شەكارانى بۇزىپ وتكەن ەدى. يسپانيا بيلىگى جاعدايدى تۇراقتاندىرۋ ءۇشىن اسكەردى جۇمىلدىردى.
يتاليا پرەمەر-مينيسترى دجوردجا مەلوني ەل شەكارالار مەن ازاماتتار قاۋىپسىزدىگىن قورعاۋ ءۇشىن توتەنشە شارالار قابىلداۋعا دايىن ەكەنىن، ونىڭ ىشىندە يسپانيامەن شەكارادا باقىلاۋدى ۋاقىتشا قالپىنا كەلتىرۋدى دە قامتيتىنىن مالىمدەدى.
يسپان بيلىگى جۇما كەشىنە قاراي ميگرانتتاردىڭ كوپشىلىگى سەۋتادان كەتىپ، ماروككوعا قايتقانىن اتاپ ءوتتى. باستاپقىدا شەكارا قورشاۋى بەكىتىلگەن قابىرعا ارقىلى قۇرلىققا شىعۋعا تىرىسقان كەزدە بولعان الاساپىراندا كەمىندە 57 ميگرانت قازا تاۋىپ، ولاردىڭ دەنەلەرى سۋدان الىنعانى حابارلانعان بولاتىن.