گونكونگتا ءوتىپ جاتقان ازيا چەمپيوناتىنىڭ جىلدام شاحمات (راپيد) بويىنشا ءبىرىنشى كۇنىنەن كەيىن قازاقستاندىق ماريا حولياۆكو مەن كسەنيا بالاباەۆا ءتورت ۇپاي جيناپ، سايكەسىنشە بەسىنشى جانە جەتىنشى ورىنداردى يەلەندى. بۇل تۋرالى infohub.kz حابارلايدى.
حولياۆكو بەس پارتيانىڭ تورتەۋىندە جەڭىسكە جەتىپ، ءۇشىنشى تۋردا اق تۇسپەن ەكىنشى ورىندا كەلە جاتقان رەسەيلىك اننا شۋحماننان ۇتىلدى. بالاباەۆا ەش جەڭىلىس كورمەگەن، ول ءۇندىستاننان حاريكا دروناۆالليمەن (قارا تۇسپەن) جانە وزبەكستاننان ۋميدا ومونوۆامەن (اق تۇسپەن) ەكى پارتيانى تەڭ اياقتادى.
ەرتەڭگى ءبىرىنشى تۋردا بالاباەۆا قارا تۇسپەن ءتۋرنيردىڭ كوشباسشىسى ۆەتنامدىق لە تحاو نگۋەن فاممەن كەزدەسەدى.
باسقا قازاقستاندىق شاحماتشىلار – امينا قايىربەكوۆا مەن زارينا نۇرعاليەۆا – ستارتتا ءسال ىركىلىپ قالدى. الايدا ەرتەڭ تاعى التى تۋر وتكەندە، ولار تۋرنيرلىك جاعدايىن تۇزەتە الادى. قازاقستاندىق ەر شاحماتشىلار ازيا چەمپيوناتىنىڭ راپيدىنە قاتىسپايدى.
راپيد بويىنشا تۋرنير فورمۋلاسى شۆەيساريالىق جۇيەمەن 11 تۋردان تۇرادى. ازيا چەمپيونى مەن جۇلدەگەرلەر ەرتەڭ انىقتالادى. 30 شىلدەدە بليس ءتۋرنيرى وتەدى.
چەمپيوناتتىڭ جالپى جۇلدە قورى – 150 000 گونكونگ دوللارى (شامامەن 19 150 اقش دوللارى).