الەمگە ايگىلى ءانشى شاكيرا قىرعىزستاندا سولنىي كونسەرت بەرۋى مۇمكىن، ءتىپتى قازاقستاننان دا بۇرىن، دەپ حابارلايدى infohub.kz.
قىرعىزستان پرەزيدەنتىنىڭ ءىس باسقارۋشىسى قانىبەك تۇمانبايەۆ «بىشكەك ارەنا» ستاديونىندا كولۋمبيالىق سۋپەرجۇلدىز ونەر كورسەتۋى مۇمكىن ەكەنىن مالىمدەدى. قازىرگى ۋاقىتتا بىشكەكتە كونسەرت وتكىزۋ تۋرالى كەلىسسوزدەر ءجۇرىپ جاتىر. ءانشىنىڭ قاراشا ايىندا فيفا ستاندارتتارىنا ساي سالىنعان، 51 مىڭ كورەرمەنگە ارنالعان جاڭا ارەنادا ونەر كورسەتۋى كۇتىلۋدە.
قىرعىزستان پرەزيدەنتىنىڭ ءىس باسقارۋشىسى تاراپتار ازىرگە شارتتاردى كەلىسىپ جاتقانىن، ناقتى كۇن مەن باسقا دا مالىمەتتەر ءالى انىقتالماعانىن ايتتى.
تۇمانباەۆتىڭ ءوزى Instagram-دا ينتريگالىق جازبا جاريالادى: «Shakira. ونى Bishkek Arena-دا كورگىڭىز كەلە مە؟ كۇتەسىز بە؟» — دەپ جازدى ول.
ەسكە سالايىق، 2025 جىلدىڭ قاراشاسىندا قازاقستاندا دجەننيفەر لوپەس پەن Backstreet Boys كونسەرتتەرىنىڭ ۇيىمداستىرۋشىلارى بەيونسە، شاكيرا جانە ەمينەمنىڭ رەسپۋبليكادا ونەر كورسەتۋ مۇمكىندىگى تۋرالى ايتقان بولاتىن. وسى جىلدىڭ ساۋىرىندە الماتى اكىمدىگى الەمدىك جۇلدىزدار — رەپەر ەمينەم مەن ءانشى شاكيرا — قازاقستاندىقتار ءۇشىن بيىل ونەر كورسەتۋى مۇمكىن دەگەن اقپاراتقا تۇسىنىكتەمە بەردى.
«بۇل اقپارات تانىستىرۋ سيپاتىندا ەكەنىن جانە ءىس-شارالاردىڭ وتەتىنىن راستامايتىنىن اتاپ وتەمىز. قازىرگى ۋاقىتتا ماسەلە پىسىقتالۋ ساتىسىندا. رەسمي كەلىسىمدەرگە قول جەتكىزىلگەن جوق، كۇندەر مەن الاڭدار بەكىتىلگەن جوق»، — دەپ ناقتىلادى اكىمدىكتە.