شال اقىن، تىلەۋكە ق ۇلىكە ۇلى (1748—1819) — قازاق اقىنى. ول قازىرگى سولتۇستىك قازاقستان وبلىسىندا دۇنيەگە كەلگەن. اكەسى ق ۇلىكە باتىر ابىلاي حاننىڭ جاقىن سەرىگى بولعان. شال اقىننىڭ ولەڭ، جىرلارىنان ءوز ءداۋىرىنىڭ ءومىر كورىنىستەرى ايقىن اڭعارىلادى. بۇلاردىڭ بارىندە دەرلىك جاقسىلىق پەن جاماندىق، ادىلدىك پەن ز ۇلىمدىق، ىنساپ پەن تويىمسىزدىق، اقىلدىلىق پەن اڭعالدىق، ىزگىلىك پەن ناداندىق، بايلىق پەن كەدەيلىك ءتارىزدى كەرەعار جايتتار كەڭ قامتىلىپ ءسوز بولادى. شال اقىن كەزىندە ەل ومىرىنەن ەلەۋلى ورىن العان ايتىس-قاعىستارعا قاتىسىپ وتىرعان. بۇلاردان ونىڭ ۇشقىر قيالدى تاپقىرلىعى مەن وت اۋىزدى، وراق ءتىلدى العىرلىعى مول كورىنەدى. ءبىر توپ جىرلارى «XVIII - XIX عاسىرلارداعى قازاق اقىندارىنىڭ شىعارمالارى» (1962). «ءۇش عاسىر جىرلايدى» (1965)، «الداسپان» (1971)، «XVIII - XIX عاسىرلارداعى قازاق پوەزياسى» (1982)، «بەس عاسىر جىرلايدى» (1984) جيناقتارىندا جارىق كورگەن.