تاقىرىبى: «شال مەن بالا»
ساباقتىڭ ماقساتى: اڭگىمەنىڭ يدەيالىق مازمۇنىن اشىپ كورسەتۋ.
بىلىمدىلىگى: وقۋشىلارعا اڭگىمنىڭ نەگىزگى مازمۇنى، ويى ادامگەرشىلىككە،
ىزگىلىككە، ادەپتىلىككە قۇرىلعانىن ۇعىندىرۋ. جۇيەلى سويلەي بىلۋگە ۇيرەتۋ.
دامىتۋشىلىعى: وقۋ مەن جازۋ ارقىلى وي قابلەتىن، ءتىل بەلسەندىلىگىن، ءبىلىمدى ءوز بەتىنشە يگەرە ءبىلۋ داعدىلىعىن دامىتۋ.
تاربيەلىگى: وقۋشىلاردى ادامگەرشىلىككە، جاناشىرلىققا، كەشىرىمدى بولۋعا تاربيەلەۋ.
ءادىسى: سۇراق - جاۋاپ، اڭگىمەلەۋ، بايانداۋ، ءتۇسىندىرۋ، توپپەن جۇمىس، شىعارماشىلىق جۇمىس.
ءتۇرى: ارالاس ساباق
كورنەكىلىگى: ءتۇيىن سوزدەر جازىلعان پلاكات، كۇن سۋرەتى كارتوچكالار.

ساباقتىڭ بارىسى:
1. ۇيىمداستىرۋ كەزەڭى.
وقۋشىلاردىڭ نازارىن ساباققا اۋدارۋ.
ءمۇعالىم: ءوز ءتىلىمىزدى قۇرمەتتەۋدىڭ بەلگىسى - ونى جەتە مەڭگەرۋ، قىر - سىرىن ۇعۋ. ولاي بولسا، بۇگىنگى انا تىلىنە قالاي دايىندالىپ كەلدىك؟
2. ءۇي تاپسىرماسىن تەكسەرۋ. ساباقتى باستاماس بۇرىن توپقا بولىنەيىك.
1 - توپ - وقۋ ورتالىعى. تاپسىرماسى: ۇيگە بەرىلگەن تاپسىرمانى ءتۇسىندىرۋ.
2 - توپ - جازۋ ورتالىعى. تاپسىرماسى: ءۇي تاپسىرماسى بويىنشا سۇراقتار دايىندايدى.
3 - توپ - شىعارماشىلىق ورتالىق. تاپسىرماسى: تاقىرىپقا بايلانىستى ماقال - ماتەلدەردى ەسكە ءتۇسىرىپ، ويىن جيناقتاپ دايىندالادى.
ا) 3 - توپتىڭ تاپسىرمالارى بويىنشا تەكسەرىلەدى.
ءا) ءار توپقا «3 جولاۋشى»تۋرالى بەرىلگەن 5 جول ولەڭدەرىن تەكسەرۋ.
ب) اپتان، قۋاڭ سوزدەرىنە قارسى ماعىنالى سوزدەرى وقىلادى.(سالقىن، شۇرايلى، كوگال، قۇنارلى.)
ۆ) «وي قوزعاۋ» ستراتەگياسى بويىنشا سۇراق:
ناعىز ادام قانداي ادام دەپ ويلايمىز.
(اقىلدى، ادامگەرشىلىگى مول، ەلىنە جاقسىلىق جاسايتىن، كوپشىلىك قۇرمەتتەيتىن، كورگەندى.)
گ) قورىتىندىلاۋ.
- مىنا كۇننىڭ سۋرەتىنە نازار اۋدارايىق. كۇن نۇرىن شاشىپ، جان – جاعىن
جارىق قىلىپ تۇر. ونىڭ ءاربىر ساۋلەسىندە ادامي جاقسى قاسيەتتەر جازىلعان. سول قاسيەتتەردى بويىنا جيناعان ادامدا وسى كۇن سياقتى اينالاسىنداعىلارعا شۋاعىن توگىپ، جاقسىلىق جاساپ جۇرەدى. قانە حورمەن وقىپ جىبەرەيىك.
- ادامگەرشىلىك
- ىزگىلىك
- يناباتتىلىق
- ادەپتىلىك
- كىشىپەيىلدىلىك
- مادەنيەتتىلىك
– سونىمەن وسىنداي ىزگى قاسيەتتەر ءار بالاعا انا ءسۇتى ارقىلى دا داريدى. «ناعىز ادام» ءماتىنىنىڭ اۆتورى – سۋحوملينسكيدىڭ مىناداي ءبىر قاناتتى ءسوزى بار: - «الەمدەگى بار جاقسىلىق انانىڭ سۇتىمەن جارالعان» دەگەن. وسى بۇگىنگى تاقىرىپتى قورىتىندىلاي وتىرىپ، سەندەر دە جامان قاسيەتتەن اۋلاق بولىپ، جاقسى قاسيەتتەردى بويلارىڭا جيناپ، ەلىمىزدىڭ اقىلدى، پاراساتتى، ءبىلىمدى ازاماتى بولىپ وسۋلەرىڭ كەرەك. جوعارىداعى اۆتور ءسوزىن داپتەرلەرىڭە جازىپ الىڭدار.
3. جاڭا تاقىرىپپەن جۇمىس.
- بۇگىن ءبىز ب. سوقپاقباەۆتىڭ «شال مەن بالا» اڭگىمەسىمەن تانىسامىز.
ا) تاقىرىپپەن تانىسۋ
ءا) ءماتىننىڭ مازمۇنىن ءتۇسىندىرۋ.
ب) توپپەن جۇمىس
1 - توپ، رولگە ءبولىپ وقۋ.
2 - توپ، «كورگەندى» سوزىنە سينونيمدەر جازۋ.
3 - توپ، اتا تۋرالى 5 جولدى ولەڭ
ۆ) ماقالمەن جۇمىس
د) ماتىندەگى ماۋلەندى سيپاتتاۋ.
4. قورىتىندىلاۋ. بۇل شىعارمامەن تانىسا وتىرىپ، جاماندىققا قاشىق، جاقسىلىققا جاقىن ءجۇرۋدى ۇيرەندىك.
5. ۇيگە تاپسىرما: « شال مەن بالا» اڭگىمەسىن وقىپ، تۇسىنىك ايتۋ.
6. باعالاۋ.