اقتوبە وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى شالقاردا «اۋدان اۋدانعا» قارسى جاپپاي توبەلەس كەزىندە 17 جاستاعى جىگىتتى ولتىرگەن ءىس بويىنشا ۇكىم شىعاردى، دەپ حابارلايدى infohub.kz سايتى.
قىلمىس جاسالعان كەزدە سوتتالۋشى كامەلەتكە تولماعاندىقتان، وعان ورتاشا قاۋىپسىزدىك مەكەمەسىندە جازاسىن وتەي وتىرىپ، 9 جىلعا باس بوستاندىعىنان ايىرۋ جازاسى تاعايىندالدى.
سوتتالعان ادام مارقۇمنىڭ اتا-اناسىنا مورالدىق زيان ءۇشىن 15 ملن تەڭگەدەن، سونداي-اق ماتەريالدىق شىعىن مەن ادۆوكات قىزمەتىنە جۇمسالعان شىعىستار ءۇشىن 2 ملن تەڭگەدەن استام قاراجات تولەۋگە مىندەتتەلدى.
سونىمەن قاتار سوت اقتوبە وبلىسى پوليسيا دەپارتامەنتىنىڭ اتىنا جەكە ۇيعارىم شىعاردى. وندا شالقار اۋدانىنىڭ پوليسيا قىزمەتكەرلەرى كامەلەتكە تولماعاندار اراسىنداعى قىلمىستىڭ الدىن الۋمەن اينالىسپاعانى، بۇل وسىنداي سالدارعا اكەپ سوققانى كورسەتىلگەن.
ۇكىم ازىرگە زاڭدى كۇشىنە ەنگەن جوق.
ەسكە سالايىق، جاستاردىڭ توپتىق توبەلەسى وسى جىلدىڭ 20 ناۋرىزىنا قاراعان ءتۇنى شالقاردا بولىپ، سالدارىنان 17 جاستاعى ءجاسوسپىرىم قازا تاپقان. كەيىن قازا بولعان ءجاسوسپىرىم ءبىر جىل بۇرىن مەكتەپتى ءبىتىرىپ، اسكەرگە بارۋعا دايىندالىپ جۇرگەنى بەلگىلى بولدى. سونداي-اق مارقۇمنىڭ اكەسى دە شاعىمدانعان.
قىركۇيەكتە اقتوبەدە وسى قىلمىسقا ايىپتالعان ستۋدەنتكە سوت باستالدى. پروكۋرور وعان 8 جىلعا باس بوستاندىعىنان ايىرۋدى سۇراعان ەدى.