بۇرىنعى جوگوركۋ كەڭەش دەپۋتاتى شايىربەك تاشييەۆ، قىرعىزستان ۇقمك بۇرىنعى باسشىسىنىڭ تۋعان باۋىرى، كەلتىرىلگەن زالالدىڭ نەگىزگى بولىگىن وتەگەننەن كەيىن كەپىلگە بوساتىلدى، دەپ حابارلايدى infohub.kz.
ىىم-دە «سىبايلاس جەمقورلىق» بابى بويىنشا قوزعالعان قىلمىستىق ءىستىڭ تەرگەۋى جالعاسۋدا. تەرگەۋ نۇسقاسى بويىنشا، «قىرعىزنەفتەگاز» ااق مەن «قىرعىز پەترولەۋم كومپاني» جاق لاۋازىمدى تۇلعالارى جانار-جاعارماي ماتەريالدارىن زاڭسىز ساتۋ بويىنشا سىبايلاس جەمقورلىق سحەماسىن ۇيىمداستىرعان.
زاڭسىز ارەكەتتەردىڭ سالدارىنان مەملەكەتكە 4،1 ملرد سومنان استام زالال كەلتىرىلگەن. تەرگەۋ بارىسىندا ايىپتالۋشى بۇرىنعى دەپۋتات شايىربەك تاشييەۆ زالالدىڭ نەگىزگى بولىگىن وتەگەن. وسىنى ەسكەرە وتىرىپ، سوت بۇرىن تاڭدالعان بۇلتارتپاۋ شاراسىن ءۇي قاماعىنا وزگەرتتى.
بۇعان دەيىن شايىربەك تاشيەۆتىڭ دەپۋتاتتىق وكىلەتتىگى مەرزىمىنەن بۇرىن توقتاتىلعان ەدى. 1 ساۋىردە ول «قىرعىزنەفتەگاز» ااق-داعى سىبايلاس جەمقورلىق ءىسى بويىنشا قىلمىستىق ءىس اياسىندا ۇستالعان بولاتىن.