قوستاناي وبلىسىندا شەتەل ازاماتشاسىنا ۇيلەنگەن جەرگىلىكتى تۇرعىن جەر ۋچاسكەسىن الا المادى. بۇل تۋرالى infohub.kz سايتى حابارلايدى.
ۇزىنكول اۋدانىنىڭ پروكۋراتۋراسى جەر زاڭناماسىنىڭ ساقتالۋىن تالداپ، اۋىل شارۋاشىلىعى ماقساتىنداعى جەرلەردى بەرۋ كونكۋرسى بارىسىندا ورەسكەل بۇزۋشىلىقتاردى انىقتادى.
انىقتالعانداي، ۇزىنكول اۋدانى اكىمدىگىنىڭ جەر كوميسسياسى كونكۋرس قورىتىندىسىن شىعارۋ كەزىندە كەيبىر قاتىسۋشىلارعا اۋداندا بەس جىلدان استام تۇرعانى ءۇشىن نەگىزسىز قوسىمشا بالل قوسقان. سونىمەن قاتار، كوميسسيا كونكۋرستىڭ ءبىر لوتى بويىنشا شەتەل ازاماتشاسىنا ۇيلەنگەن قازاقستان ازاماتى قاتىسقانىن ەسكەرمەگەن.
قازاقستان رەسپۋبليكاسى جەر كودەكسىنىڭ 24-بابىنا سايكەس، شەتەلدىككە نەمەسە ازاماتتىعى جوق ادامعا تۇرمىسقا شىققان ق ر ازاماتتارىنا اۋىل شارۋاشىلىعى ماقساتىنداعى جەر ۋچاسكەلەرى جەكە مەنشىككە نەمەسە جەر پايدالانۋ قۇقىعىمەن بەرىلمەيدى.
پروكۋرورلىق قاداعالاۋ اكتىسى بويىنشا بۇزۋشىلىقتار جويىلدى. جەر كوميسسياسى وتىرىسىنىڭ حاتتاماسى كۇشىن جويدى، ال جالپى اۋدانى 1129 گەكتار جەتى جەر ۋچاسكەسى شارۋا (فەرمەر) قوجالىعىن جۇرگىزۋ ءۇشىن ازاماتتارعا بەرۋ ماقساتىندا قايتا كونكۋرسقا شىعارىلادى.