امەريكاندىق ءانشى شەر سوتقا جاڭا قۇجاتتار تاپسىرىپ، ۇلى ەلايدجا بليۋ وللماننىڭ ايەلى ۇنەمى اقشا مەن داڭق قۋىپ جۇرگەنىن مالىمدەدى، دەپ حابارلايدى infohub.kz سايتى.
49 جاستاعى ۇلىنا قامقورشى تاعايىنداۋ تۋرالى سوت ءىسى اياسىندا 80 جاستاعى ءانشى كەلىنى مارياندجەلا كينگتى قاتتى سىنعا الدى. تاپسىرىلعان قۇجاتتاردا شەر كەلىنى ۇلىنىڭ اۋىر ناشاقورلىق پەن پسيحيكالىق پروبلەمالاردان ەمدەلۋىنە جانە ايىعۋىنا بەلسەندى تۇردە كەدەرگى كەلتىرىپ جۇرگەنىن ايتادى.
ءانشىنىڭ ايتۋىنشا، كينگ قامقورشىلىق ورناتۋعا تەك جەكە پايداكۇنەمدىك ماقساتتا كەدەرگى جاساماقشى. پوپ-جۇلدىز كەلىنى ەلايدجانىڭ اكەسى، مۋزىكانت گرەگگ وللماننان مۇراعا قالعان سەنىمگەرلىك قورعا تىكەلەي قول جەتكىزگىسى كەلەتىنىن اتاپ ءوتتى. شەر ايەلدىڭ دارىگەرلەردىڭ كەڭەسىنە قاراماستان كۇيەۋىن وڭالتۋ ورتالىقتارىنان ۇنەمى الىپ كەتەتىنىنە سەنىمدى.
ءانشىنىڭ ادۆوكاتتارى شەردىڭ تەك انالىق ماحابباتپەن جانە بالاسىنىڭ ءومىرىن قۇتقارۋ نيەتىمەن ارەكەت ەتىپ جاتقانىن اتاپ ءوتتى. ال كينگ بۇعان دەيىن بارلىق ايىپتاۋلاردى جوققا شىعارىپ، ءانشىنىڭ ەرەسەك ۇلىنىڭ ءومىرىن باقىلاۋعا تىرىسىپ جاتقانىن مالىمدەگەن. ۋاقىتشا قامقورشى تاعايىنداۋ تۋرالى ءىس بويىنشا كەزەكتى سوت وتىرىسى جاقىن ارادا ءوتۋى ءتيىس.