ماڭعىستاۋ وبلىسىندا شەتەل ازاماتى كەدەن شەكاراسى ارقىلى 95 ليتر ديزەل وتىنىن زاڭسىز وتكىزبەك بولعانى ءۇشىن اكىمشىلىك جاۋاپكەرشىلىككە تارتىلدى، دەپ حابارلايدى infohub.kz سايتى.
ماڭعىستاۋ وبلىسى سوتتارىنىڭ رەسمي Telegram-ارناسىندا حابارلانعانداي، بەينەۋ اۋداندىق سوتىندا شەتەل ازاماتىنا قاتىستى قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 545-بابى (ەۋرازيالىق ەكونوميكالىق وداقتىڭ كەدەن شەكاراسى ارقىلى تاۋارلار مەن كولىك قۇرالدارىن وتكىزۋ كەزىندە تىيىمدار مەن شەكتەۋلەردى قولدانۋ ءتارتىبىن ساقتاماۋ) بويىنشا اكىمشىلىك ءىس قارالدى.
سوت انىقتاعانداي، 2026 جىلعى 9 شىلدەدە «تاجەن» كەدەن بەكەتىندە شەكارالىق باقىلاۋ كەزىندە قازاقستاننان وزبەكستانعا بەت العان ەر ادام كولىك قۇرالىنىڭ زاۋىتتىق كونسترۋكسياسىندا قاراستىرىلماعان قوسىمشا وتىن باگىن پايدالانىپ، 95 ليتر ديزەل وتىنىن زاڭسىز وتكىزۋگە تىرىسقان.
سوت وتىرىسى بارىسىندا قۇقىق بۇزۋشىنىڭ كىناسى ونىڭ جەكە تۇسىنىكتەمەلەرىمەن، اكىمشىلىك قۇقىق بۇزۋشىلىق تۋرالى حاتتامامەن جانە ءىس ماتەريالدارىمەن تولىق راستالدى.
ق ر اقبتك-نىڭ 545-بابىنىڭ سانكسياسى اكىمشىلىك قۇقىق بۇزۋشىلىقتىڭ تىكەلەي وبەكتىسى بولىپ تابىلاتىن تاۋاردى تاركىلەي وتىرىپ، 15 ايلىق ەسەپتىك كورسەتكىش مولشەرىندە ايىپپۇل سالۋدى كوزدەيدى.
سوت قاۋلىسىمەن شەتەل ازاماتى اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلىپ، وعان 64 875 تەڭگە مولشەرىندە ايىپپۇل تۇرىندەگى جازا تاعايىندالدى.
سوت قاۋلىسى زاڭدى كۇشىنە ەنگەن.