شىعىس قازاقستان وبلىسىندا 2027 جىلعى سۋ تاسقىنى ماۋسىمىنا دايىندىق جالعاسۋدا. سۋ باسۋ ءقاۋپىن ازايتۋ ءۇشىن 2026 جىلعا ارنالعان ينجەنەرلىك جۇمىستار جوسپارى بەكىتىلدى. وندا ءوڭىردىڭ 11 اۋدانىندا 14 ءىس-شارا قاراستىرىلعان. جوبالاردى قارجىلاندىرۋ وبلىستىق جانە جەرگىلىكتى بيۋدجەتتەر ەسەبىنەن جۇزەگە اسىرىلادى، دەپ حابارلايدى infohub.kz سايتى.
بيىل ينجەنەرلىك جۇمىستار ريددەر قالاسىندا، التاي، سامار، ۇلكەن نارىن اۋداندارىندا، سونداي-اق گلۋبوكوە، زايسان، كاتونقاراعاي، مارقاكول، شەمونايحا، ۇلان جانە كۇرشىم اۋداندارىندا جۇرگىزىلەدى. ءىس-شارالار جاعا بەكىتۋدى، ءتۇبىن تەرەڭدەتۋدى، وزەن ارنالارىن وزگەرتۋدى جانە ەلدى مەكەندەردى سۋ تاسقىنىنان قورعاۋدى كۇشەيتۋگە باعىتتالعان باسقا دا ينجەنەرلىك شەشىمدەردى قامتيدى.
"جوسپارلانعان ءىس-شارالار جاعا بەكىتۋ، ءتۇبىن تەرەڭدەتۋ، وزەن ارنالارىن وزگەرتۋ جانە ەلدى مەكەندەردى سۋ تاسقىنىنان قورعاۋدى كۇشەيتۋگە ارنالعان وزگە دە ينجەنەرلىك شەشىمدەردى قامتيدى. جۇمىستىڭ نەگىزگى كولەمى جاز-كۇز كەزەڭىندە ورىندالادى، ال كەيبىر ءىس-شارالار سۋدىڭ تومەن دەڭگەيى كەزىندە وتكىزىلەدى. بۇل ولاردىڭ بارىنشا ءتيىمدى بولۋىن قامتاماسىز ەتەدى"، — دەپ ءتۇسىندىردى شقو تجد-دا.
ەڭ بەلسەندى جۇمىستار كاتونقاراعاي اۋدانىنىڭ شىڭعىستاي اۋىلىندا جۇرگىزىلۋدە. وندا بۇقتىرما وزەنىنىڭ جاعاسىن بەكىتۋ، ءتۇبىن تەرەڭدەتۋ جانە ارناسىن بۇرۋ جوباسى جالعاسۋدا. ءقازىر جوبا 70 پايىزعا ورىندالعان.
جوسپارلانعان ينجەنەرلىك ءىس-شارالاردىڭ ىسكە اسىرىلۋى شىعىس قازاقستان وبلىسىنىڭ ەلدى مەكەندەرىن قورعاۋ دەڭگەيىن ارتتىرىپ، 2027 جىلى سۋ تاسقىنى ءقاۋپىنىڭ تۋىنداۋ ىقتيمالدىعىن تومەندەتۋگە مۇمكىندىك بەرەدى.