شىعىس قازاقستان وبلىسىندا «Aك Metal» ج ش س باسشىسى دانيار بەكتەميروۆ ءبىر جىلعا باس بوستاندىعىنان ايىرىلدى، دەپ حابارلايدى infohub.kz.
تەرگەۋ بارىسىندا انىقتالعانداي، سەرىكتەستىكتىڭ ليسەنزياسى تەك قاتتى پايدالى قازبالاردى بارلاۋعا عانا رۇقسات بەرگەن. الايدا زەرتحانالىق جانە تەحنولوگيالىق زەرتتەۋلەر دەگەن جەلەۋمەن ءىس جۇزىندە تەمىر رۋداسى مەن تەمىر رۋداسى كونسەنتراتىن ونەركاسىپتىك تۇردە ءوندىرىپ، ونى ەل ىشىندە دە، شەتەلگە دە ساتقان.
زاڭسىز جۇمىستاردىڭ سالدارىنان توپىراق جامىلعىسى بۇزىلىپ، تابيعي رەلەف پەن لاندشافت وزگەرگەن، تاۋ-كەن قازبالارى مەن ۇيىندىلەر پايدا بولىپ، اۋماققا ايتارلىقتاي تەحنوگەندىك اسەر ەتكەن.
بارلىعى 70 مىڭ توننادان استام ءونىم زاڭسىز ءوندىرىلىپ، ساتىلعان، ال الىنعان قىلمىستىق تابىس 1 ميلليارد تەڭگەدەن اسقان.
وسى اقشاعا كاسىپورىن باسشىسى قىمبات اكتيۆتەر ساتىپ العان: Land Rover اۆتوكولىگى، بەس بولمەلى پاتەر، ءۇش كوممەرسيالىق ءۇي-جاي، ەكى تۇراق ورنى جانە الماتى مەن الماتى وبلىسىنداعى ەكى جەر تەلىمى.
سوت اتالعان م ۇلىكتى، قۇنى 1 ميلليارد تەڭگەدەن استام، مەملەكەت كىرىسىنە تاركىلەدى. ۇكىم زاڭدى كۇشىنە ەنگەن جوق.