شىعىس قازاقستان وبلىسىندا ەر ادام ءوز قىزىن بىرنەشە جىل بويى زورلادى دەگەن كۇدىككە ءىلىندى. بەيرەسمي دەرەكتەرگە سۇيەنسەك، قىز التى جاسىنان باستاپ اكەسىنىڭ جىنىستىق زورلىعىنا ۇشىراعان، دەپ حابارلايدى infohub.kz سايتى.
وقيعا ريددەر قالاسىندا بولعان. ءقازىر قىزدىڭ جاسى 13-14-تە. ەر ادام جۇمىس ورنىنان ۇستالدى.
شىعىس قازاقستان وبلىسى پوليسيا دەپارتامەنتىندە NUR.KZ تىلشىسىنە حابارلاعانداي، بۇل فاكتى بويىنشا ريددەر قالالىق پوليسيا ءبولىمى قىلمىستىق ءىس قوزعادى. كۇدىكتى ۇستالىپ، پوليسياعا جەتكىزىلدى، وعان قاتىستى قاماۋدا ۇستاۋ تۇرىندەگى بۇلتارتپاۋ شاراسى تاڭدالدى.
تەرگەۋ جالعاسۋدا، وقيعانىڭ بارلىق ءمان-جايىن انىقتاۋ ءۇشىن قاجەتتى تەرگەۋ ارەكەتتەرى جۇرگىزىلۋدە. تەرگەۋ بارىسى شقو پد باسشىلىعىنىڭ باقىلاۋىندا.
وزگە اقپارات ق ر قپك-نىڭ 201-بابىنىڭ تالاپتارىنا سايكەس جاريالانۋعا جاتپايدى.